لاہور: وزیراعلیٰ پنجاب حمزہ شہباز نے پنجاب یونیورسٹی میں طلبہ تنظیموں کے درمیان تصادم کے واقعے کا نوٹس لیتے ہوئے سی سی پی اولاہور سے رپورٹ طلب کرلی۔

وزیراعلیٰ پنجاب نے تصادم کے ذمہ داروں کیخلاف بلاامتیاز قانونی کارروائی کا حکم دیتے ہوئے کہا کہ درسگاہوں میں ایسے واقعات ناقابل برداشت ہیں۔

وزیراعلیٰ پنجاب کی لانگ مارچ کے دوران بہترین انتظامات پر پولیس اور انتظامیہ کو شاباش

دوسری جانب وزیراعلیٰ پنجاب حمزہ شہباز نے تحریک انصاف کے لانگ مارچ کے دوران بہترین انتظامات پر پولیس اور انتظامیہ کو شاباش دی ہے۔

وزیراعلیٰ پنجاب نے اپنے سیاسی رفقاء کی کارکردگی کو بھی سراہا اور کہا کہ پولیس ، انتظامیہ اور منتخب نمائندوں نے غیرمعمولی حالات میں ڈلیور کیا۔

حمزہ شہباز نے مزید کہا کہ ہماری نیک نیتی تھی، اس لئے اللہ تعالیٰ نے بھی ہماری مدد کی، شرپسند عناصر کی توڑ پھوڑ کے باوجود فورس نے تحمل کا مظاہرہ کیا۔