کراچی: سپریم کورٹ اَف پاکستان کے فیصلے کے بعد ملک میں آج امریکی ڈالر کی بڑھتی ہوئی قیمت کو بریک لگ گیا ہے۔

بینک دولت پاکستان کے مطابق جمعہ کے روز انٹر بینک میں امریکی ڈالر 3 رروپے 49 پیسے سستا ہوکر 184.68 روپے پر بند ہوا ہے۔

خیال رہے کہ گزشتہ روزانٹر بینک میں کاروبار کے دوران ڈالر کی قیمت میں 2 روپے 05 پیسے تک اضافہ ہوا تھا اور ڈالر 188 روپے سے بھی تجاوز کرگیا تھا۔

دوسری جانب پاکستان اسٹاک ایکسچینج (پی ایس ای) میں بھی کاروبار کا مثبت آغاز ہوا اور 100 انڈیکس میں 449 پوائنٹس کا اضافہ ہوا جس سے انڈیکس 44236 کی سطح پر پہنچ گیا ہے۔