لاہور میں مبینہ طور پر بیوی کو آگ لگا کر قتل کرنے والے ملزم کو گرفتار کر لیا گیا۔

تفصیلات کے مطابق لاہور کے علاقے شالیمار میں گزشتہ روز گھر میں آتشزدگی کا واقعہ پیش آیا تھا , جس میں پولیس نے مبینہ طور پر بیوی کو آگ لگانے والے شوہر اللہ دتہ کو گرفتار کر لیا ہے۔

جبکہ واقعہ کا مقدمہ مقتولہ میمونہ کی والدہ صفیحہ بی بی کی مدعیت میں درج کیا گیا ہے۔

ایف آئی آر کے مطابق مقتوفی کی تین سالہ بیٹی تھی اور وہ خود چار ماہ کی حاملہ تھی، ملزم اللہ دتہ اپنی اہلیہ کا مکان فروخت کرنا چاہتا تھا لیکن وہ رضامند نہیں تھی تاہم ملزم بیوی کو آگ لگاکر اپنی تین سالہ بچی کو لے کر فرار ہو گیا تھا۔

اس معاملے پر پولیس کا کہنا ہے کہ ملزم کے خلاف مزید قانونی کارروائی کی جا رہی ہے۔