اسلام آباد:وفاقی وزیرمنصوبہ بندی وترقی اسد عمر نے مسلم لیگ (ن)کے قائد اور سابق وزیراعظم نوازشریف کو وطن واپس آنے کا مشورہ دے دیا۔

وفاقی وزیر اسد عمرنے سکھر ایئرپورٹ پر میڈیا سے گفتگو میں کہا کہ لندن غیر جگہ ہے ،لندن میں نوازشریف پر حملے کا علم نہیں،پاکستان ان کا ملک ہے، نوازشریف پاکستان آئیں، سرکار دیکھ بھال کے ساتھ ساتھ اُنہیں محفوظ جگہ پر رکھے گی،جیل سے زیادہ محفوظ جگہ کوئی نہیں۔

اسد عمر نے واضح کیا کہ وزیراعظم عمران خان کی سیاست کی بنیاد انصاف ہے اور وہ اپنے منشور سے پیچھے کبھی نہیں ہٹیں گے،جہانگیر ترین کخلاعف کیسز میں قانون کے تقاضوں کو پورا کیا جائے گا۔