ایلون مسک کی والدہ مائے مسک اس وقت بھارت میں موجود ہیں، کینیڈین ماڈل اور ماہرِ غذائیت مائے مسک نے حال ہی میں اپنی سالگرہ منائی، انہوں نے مشہور بھارتی ڈیزائنر سبیا ساچی کے ڈیزائن کردہ گلابی لہنگے میں جلوے بکھیرے ہیں۔

این ڈی ٹی وی کے مطابق اس خاص دن کے موقع پر مائے مسک نے روایتی بھارتی ملبوسات کا انتخاب کیا اور اپنے انداز سے سب کو حیران کر دیا۔

مائے مسک نے اپنے انسٹاگرام اکاؤنٹ پر سالگرہ کی تقریب کی تصاویر شیئر کیں اور اپنے بیٹے ایلون مسک کا شکریہ ادا کیا جنہوں نے انہیں ممبئی میں خوبصورت پھول بھجوائے۔

مائے نے اپنی پوسٹ میں لکھا کہ ممبئی میں سالگرہ کے موقع پر پھول بھیجنے کے لیے شکریہ ایلون۔

شیئر کی گئی تصاویر میں مئی مسک سبیا ساچی مکھرجی کے ڈیزائن کردہ گلابی رنگ کے روایتی لہنگے میں نہایت دلکش دکھائی دے رہی ہیں، ان کا لباس ایک مکمل آستینوں والے بلاؤز پر مشتمل تھا جس کا بوٹ نیک لائن اور نازک شفاف ڈیزائن اسے مزید خوبصورت بنا رہا تھا، کپڑے پر باریک کڑھائی اور سنہری کام نے لباس میں مزید جاذبیت اور شاہانہ انداز شامل کر دیا۔

مائے مسک نے اس لباس کے ساتھ میچنگ کا گلابی اسکرٹ اور دوپٹہ بھی لیا تھا، جو ان کی مجموعی شخصیت میں شاندار انداز کا اضافہ کر رہا تھا۔

انہوں نے اپنے لُک کو سبیا ساچی ہائی جیولری کے سنہری جھمکوں کے ساتھ مکمل کیا۔

میک اپ سے متعلق مائے مسک نے نفاست کو ترجیح دی ہے، گلابی بلش، ہائی لائٹر، پلکوں پر مسکارا، ونگڈ آئی لائنر، براؤن اسموکی آئی شیڈو اور شوخ سرخ لپ اسٹک کے ساتھ ان کا انداز سادگی میں خوبصورتی کی بہترین مثال تھا۔

مئی مسک کا یہ دلکش اور روایتی انداز سوشل میڈیا پر صارفین نے خوب سراہا ہے۔