بانی تحریک انصاف عمران خان کی بہن علیمہ خان نے عدالت کے احکامات پر عملدرآمد نہ ہونے پر شدید تشویش کا اظہار کیا ہے۔ اسلام آباد ہائی کورٹ میں صحافیوں سے گفتگو کرتے ہوئے ان کا کہنا تھا کہ اگر آج عدلیہ کی توہین کی جا رہی ہے تو کل ہر ادارہ غیر محفوظ ہو جائے گا۔

علیمہ خان نے کہا کہ وہ چیف جسٹس سے بات کرنا چاہتی تھیں تاہم جج صاحب اٹھ کر جا چکے تھے، البتہ نیاز اللہ نیازی صاحب نے عدالت میں ان کی نمائندگی کی۔

علیمہ خان نے امید ظاہر کی کہ کل ان کی پٹیشن سماعت کے لیے مقرر ہے اور وہ چیف جسٹس سے براہِ راست بات کر کے انصاف کی اپیل کریں گی۔

اڈیالہ جیل سے دور روک لیا تاکہ بہانہ بنا سکیں ملاقات کیلئے کوئی آیا ہی نہیں، علیمہ خان

علیمہ خان نے مزید کہا کہ ”ہم بہت خوف میں ہیں کیونکہ عدالتی احکامات پر عمل نہیں ہو رہا۔ اگر عدالت کے آرڈر کی توہین ہوگی تو پھر کسی بھی پاکستانی کو انصاف نہیں ملے گا یہی وجہ ہے کہ ہم محرومی کا شکار ہیں۔“

علیمہ خان نے توہین عدالت کے حوالے سے واضح کیا کہ اس جرم کی سزا چھ ماہ قید ہے لہٰذا قانون کا احترام اور عدلیہ کی بالادستی ہر صورت لازم ہے۔