ملک میں غیر قانونی رہائش پذیر افغان شہریوں کی بے دخلی کا سلسلہ جاری، گزشتہ روز طورخم سرحد کے راستے 1 ہزار 381 غیر قانونی مقیم افغان شہریوں کو بے دخل کیا گیا۔

امیگریشن ذرائع مطابق گزشتہ روز 1 ہزار 381 غیر قانونی رہائش پذیر افغان شہری ملک بدر کردیا گیا۔ ملک بدر افغان شہریوں میں سے 1 ہزار 142 افغان شہری لنڈی کوتل ٹرانزٹ کیمپ آئے، جنہیں قانونی کاروائی پوری ہونے کے بعدطورخم بارڈر کے راستے ڈی پورٹ کیا گیا۔

پنجاب کے مختلف اضلاع سے گرفتار 239 افغان شہریوں کو بھی ڈی پورٹ کیا گیا ہے۔

امیگریشن ذرائع کے مطابق یکم اپریل سے لیکر اب تک 47 ہزار 497 غیر قانونی مقیم افغان شہریوں کو بے دخل کیا جاچکا ہے۔