کوئٹہ مشرقی بائی پاس پر گھریلو ناچاکی پر فائرنگ پر چار افراد کو قتل کر دیا گیا، ملزم نے بیوی، دو بیٹوں اور بہو کی جان لے لی اور فرار ہو گیا۔

تفصیلات کے مطابق کوئٹہ کے نواحی علاقے مشرقی بائی پاس پر نشے کے عادی شخص نے گھریلو جھگڑے کے دوران آپے سے باہر ہوگیا اوربیوی، دو بیٹوں اور بہو کی جان لے لی۔

نواب خان نامی شخص نے جھگڑے کے دوران فائرنگ کر دی جس سے اس کی بیوی بی بی ملالہ ، بیٹے محمد یوسف اور جمعہ خان موقع پر دم توڑ گئے۔

مقتول محمد یوسف کی بیوی رقیہ بھی گولی لگنے سے زخمی ہوئی ۔ جسے اسپتال منتقل کیا گیا۔ مگروہ جانبرنہ ہوسکی۔

فائرنگ کے بعد ملزم نواب خان نامی فرار ہو گیا۔