بنگلہ دیش کے پاسپورٹ پر پاکستان دور کی عبارت پھر شامل
بنگلہ دیش نے ایک بار پھر اپنے پاسپورٹس پر ”سوائے اسرائیل کے تمام ممالک کے لیے کارآمد“ کی عبارت شامل کر دی ہے، جس کے بعد بنگلہ دیشی شہریوں کے لیے اسرائیل کا سفر مؤثر طور پر ممنوع قرار دے دیا گیا ہے۔ یہ فیصلہ ایک سرکاری ہدایت نامے کے تحت کیا گیا، جس کی مقامی میڈیا نے تصدیق کی ہے۔
بنگلہ دیش ایک مسلم اکثریتی ملک ہے جو اسرائیل کو تسلیم نہیں کرتا۔ یہاں اسرائیل کے ساتھ تعلقات کا معاملہ ہمیشہ سے حساس رہا ہے۔ بنگلہ دیشی پاسپورٹس پر یہ عبارت پاکستان سے علیحدگی سے قبل کئی دہائیوں تک موجود رہی، تاہم سابق وزیر اعظم شیخ حسینہ کے دورِ حکومت کے آخری برسوں میں اسے ہٹا دیا گیا تھا۔
بھارتی فضائیہ کے طیارے بیرون ملک بھی غیر محفوظ، میانمار میں جہازوں پر سائبر حملہ
بنگلہ دیشی خبر رساں ادارے ”بی ایس ایس“ سے گفتگو کرتے ہوئے وزارت داخلہ کی نائب سیکریٹری نیلیما افروز نے بتایا کہ گزشتہ ہفتے حکام نے پاسپورٹس پر دوبارہ یہ عبارت شامل کرنے کی ہدایت جاری کی۔

انہوں نے بتایا کہ ’امیگریشن اور پاسپورٹ کے ڈائریکٹر جنرل کو اس فیصلے پر عملدرآمد کے لیے ضروری اقدامات کرنے کو کہا گیا ہے۔‘
بنگلہ دیش نے شیخ مجیب کی نواسی کے وارنٹ جاری کر دیے
مقامی اخبار ”ڈیلی اسٹار“ کے مطابق یہ اقدام بنگلہ دیش کے اسرائیل کے ساتھ سفارتی تعلقات نہ ہونے کی پالیسی کے تسلسل کا حصہ ہے، اور عوامی جذبات کو مدنظر رکھتے ہوئے کیا گیا ہے۔
Comments are closed on this story.