خیبرپختونخوا میں مائنز اینڈ منرلز ایکٹ کی منظوری سے متعلق اہم پیشرفت سامنے آئی ہے۔ ذرائع کے مطابق وزیراعلیٰ علی امین گنڈا پور نے اس معاملے پر پاکستان تحریک انصاف (پی ٹی آئی) کے بانی عمران خان سے مشاورت کا فیصلہ کیا ہے۔

ذرائع کے مطابق وزیراعلیٰ کی آج بانی پی ٹی آئی سے ملاقات کا امکان ہے، جو راولپنڈی کی اڈیالہ جیل میں ہوگی۔ ملاقات کے دوران وزیراعلیٰ مائنز اینڈ منرلز بل پر بانی پی ٹی آئی کی حتمی رائے لیں گے، جبکہ پارٹی کے اندرونی معاملات بھی زیر بحث آئیں گے۔

مذاکرات کی کوششیں اعظم سواتی کی انفرادی ہیں، کامیاب ہوئے تو بانی پی ٹی آئی کی اجازت سے آگے بڑھیں گے، سلمان اکرم راجہ

وزیراعلیٰ کے ترجمان فراز مغل نے بھی ملاقات کی تصدیق کرتے ہوئے کہا کہ علی امین گنڈا پور آج اڈیالہ جیل جائیں گے، جہاں اہم سیاسی امور پر تبادلہ خیال کیا جائے گا۔

جنید اکبر نے اپنی ہی صوبائی حکومت کو وارننگ دے دی

یاد رہے کہ خیبرپختونخوا اسمبلی میں پیش کیے گئے مائنز اینڈ منرلز ایکٹ پر پارٹی کے اراکین اسمبلی اور مختلف سیاسی حلقوں کی جانب سے تنقید کا سلسلہ جاری ہے۔