Aaj News

جمعہ, مئ 09, 2025  
11 Dhul-Qadah 1446  

وزیر اطلاعات پنجاب کی بانی پی ٹی آئی کی بہنوں کی گرفتاری کی تردید

بانی پی ٹی آئی کی بہنوں سمیت کسی خاتون کو گرفتار نہیں کیا گیا، عظمٰی بخاری
شائع 08 اپريل 2025 08:03pm
فائل فوتو
فائل فوتو

صوبائی وزیراطلاعات پنجاب عظمی بخاری نے بانی پی ٹی آئی کی بہنوں کی گرفتاری کی تردید کرتے ہوئے کہا کہ بانی پی ٹی آئی کی بہنوں سمیت کسی خاتون کو گرفتار نہیں کیا گیا۔

عظمی بخاری نے اپنے بیان میں کہا کہ خواتین نے پنجاب پولیس کی گاڑی حاصل کی، علیمہ خان اور ہمنوا خود ہی پولیس وین میں بیٹھیں۔

انھوں نے کہا کہ خواتین خواجہ سروس اسٹیشن پر پہنچ کر خود ہی اتر گئیں، بانی پی ٹی آئی سے ہمدردیاں دکھانے کے لیے فلاپ شو کیا گیا۔ بانی پی ٹی آئی شاہی انداز میں جیل کاٹ رہے ہیں۔

واضح رہے کہ راولپنڈی میں پی ٹی آئی رہنماوں کو گرفتاری کے بعد رہا کر دیا گیا ہے، گورکھ پور ناکے کے قریب بانی پی ٹی آئی کی بہنوں سمیت متعدد خواتین گرفتارکیا گیا تھا۔

احتجاج کے دوران صاحبزادہ حامد رضا، عالیہ حمزہ اور شفقت اعوان کو بھی حراست میں لیا گیا تھا۔

بعدازاں پولیس تحویل میں لی گئی خواتین نجی شادی ہال پہنچ گئیں، تمام خواتین پولیس وین سے اتر کا شادی ہال کے لان میں بیٹھ گئیں۔

پولیس افسران بھی بانی پی ٹی آئی کی بہنوں کےساتھ موجود ہیں، شادی ہال کا مرکزی گیٹ بند کر دیا گیا، عام افراد کا داخلہ روک دیا گیا۔

uzma bukhari

PTI protest