میانمار میں آنے والے ہولناک زلزلے میں ہلاکتوں کی تعداد 3 ہزار تک پہنچ گئی۔

غیرملکی خبررساں ایجنسی کے مطابق میانمار میں آنے والے ہولناک زلزلے میں 4 ہزار سے زائد افراد زخمی ہوئے جبکہ سیکڑوں افراد تاحال لاپتا ہیں جن کی تلاش جاری ہے۔

رپورٹ کے مطابق انتظامیہ کی جانب سے امدادی کارروائیاں جاری ہیں، میانمار میں 28 مارچ کو 7.7 شدت کے زلزلے نے تباہی مچادی تھی۔

پاکستانی امداد روانہ

ترجمان این ڈی ایم اے کے مطابق میانمار میں زلزلہ متاثرین کےلئے پہلی امدادی کھیپ متعلقہ حکام کے حوالے کردی گئی ہے۔

میانمار میں ہولناک زلزلے کے باعث ہلاک افراد کی تعداد 3 ہزار سے زائد ہوگئی

ترجمان این ڈی ایم اے نے بتایا کہ یانگون ایئرپورٹ پر 35 ٹن سامان حکام کے حوالے کیا گیا ہے۔ وزیراعظم کی ہدایت پر 70 ٹن امدادی سامان میانمار بھجوا جا رہا ہے۔

میانمار میں پاکستانی سفیر نے یانگون کے وزیر اعلیٰ کو امداد حوالے کی، جس پر یانگون کے وزیر اعلیٰ نے حکومت پاکستان اور عوام کا شکریہ ادا کیا۔

سامان میں تیار کھانا، کمبل، ترپالیں، خیمے اور دیگر اشیاء شامل ہیں۔