Aaj News

بدھ, مئ 07, 2025  
09 Dhul-Qadah 1446  

امریکا کا غیرملکی طالبعلموں کیلئے ویزا کا حصول مشکل بنانے کا فیصلہ

امریکی وزیر خارجہ نے اسٹوڈنٹ ویزا کے لیے درخواستیں دینے والوں کی چھان بین زیادہ سخت کرنے کا حکم دے دیا
شائع 03 اپريل 2025 08:50am

امریکا نے اسرائیل پر تنقید کرنے والے غیر ملکی طالب علموں کے لیے ویزے کا حصول مشکل بنانے کا فیصلہ کرلیا۔

غیر ملکی میڈیا رپورٹس کے مطابق امریکی وزیر خارجہ نے اسٹوڈنٹ ویزا کے لیے درخواستیں دینے والوں کی چھان بین زیادہ سخت کرنے کا حکم دے دیا۔

رپورٹ کے مطابق مارکو روبیو نے بیرون ملک امریکی سفارتکاروں کو حکم دیا ہے کہ وہ اسٹوڈنٹ اور دیگر اقسام کے ویزوں کے لیے درخواست دینے والوں کے سوشل میڈیا مواد کی چھان بین کریں، سفارتی مشنز کو ہدایات پر فوری عملدرآمد کی ہدایت کردی گئی۔

ٹرمپ کی پوری دنیا کیخلاف تجارتی جنگ، پاکستان پر بھارت اور افغانستان سے زیادہ ٹیرف عائد

ان کا کہنا تھا کہ ویزا درخواست دینے والوں کے سوشل میڈیا اکاؤنٹ چیک ہوں گے۔ امریکی وزیر خارجہ کا کہنا تھا کہ اس کا مقصد امریکا اور اسرائیل پر تنقید کرنے والوں کو امریکا میں داخلے سے روکنا ہے۔

برطانیہ کا امیگریشن نظام سخت، اب یورپی شہریوں کو بھی اجازت نامہ درکار ہوگا

نیویارک ٹائمز کی رپورٹ کے مطابق ان کی جانب سے یہ ہدایات 25 مارچ کو سفارتی مشنز کو بھیجے گئے ایک طویل مراسلے میں دی گئیں تھیں۔

Israel

Student Visa

Marco Rubio