Aaj News

جمعہ, اپريل 04, 2025  
05 Shawwal 1446  

پاکستان کیخلاف دوسرے ون ڈے سے قبل نیوزی لینڈ کو بڑا دھچکا، اہم کھلاڑی ٹیم سے باہر

پاکستان اور نیوزی لینڈ کے درمیان دوسرا ون ڈے کل ہملٹن میں کھیلا جائے گا
اپ ڈیٹ 01 اپريل 2025 08:28pm

نیوزی لینڈ کرکٹ ٹیم کو بڑا دھچکا لگ گیا، کیوی ٹیم کے اہم بلے باز مارک چیپمین پاکستان کے خلاف دوسرے ون ڈے میچ سے باہر ہوگئے۔

پاکستان کے خلاف پہلے ون ڈے میں سنچری بنانے والے نیوزی لینڈ کے جارحانہ بلے باز مارک چیپمین دوسرے ون ڈے میچ سے باہر ہوگئے۔

نیوزی لینڈ کرکٹ کے مطابق مارک چیپمین دائیں ہیم اسٹرنگ انجری کا شکار ہوئے جس کی وجہ سے وہ دوسرے ون ڈے سے باہر ہوگئے۔

مارک چیپمین پہلے ون ڈے میچ میں فیلڈنگ کے دوران انجری کا شکار ہوئے، ایم آر آئی اسکین میں گریڈ ون ٹئیر کی نشاندہی ہوئی ہے، ان کو کو ری ہیب کے لیے مختصر وقت درکار ہے۔

دوسرے ون ڈے سے قبل پاکستان کو بڑا دھچکا، اہم کھلاڑی ٹیم سے باہر

نیوزی لینڈ کرکٹ کے مطابق مارک چیپمین کی جگہ ٹم سائفرٹ کو اسکواڈ میں شامل کر لیا گیا ہے۔

یاد رہے کہ پاکستان اور نیوزی لینڈ کے درمیان دوسرا ون ڈے میچ 2 اپریل کو ہملٹن میں کھیلا جائے گا۔

سلو اوور ریٹ پر پاکستان کو جرمانہ

دورہ نیوزی لینڈ کے دوران پہلے ون ڈے میچ میں سلو اوور ریٹ پر پاکستان کو جرمانہ لگ گیا، پاکستانی ٹیم پر میچ فیس کا 10 فیصد جرمانہ عائد کیا گیا۔

پاکستان نے نیوزی لینڈ کے خلاف پہلے ون ڈے میں مقررہ وقت میں مطلوبہ اوورزمکمل نہیں کیے۔

واضح رہے کہ نیوزی لینڈ کو 3 میچز پر مشتمل ون ڈے سیریز میں ایک صفر کی برتری حاصل ہے، پہلے ون ڈے میں نیوزی لینڈ نے پاکستان کو 73 رنز سے شکست دی تھی۔

بائیں ہاتھ کے بیٹر مارک چیپمین نے پہلے ون ڈے میچ میں 132 رنز کی شاندار اننگز کھیلی تھی۔

odi series

odi cricket

Pakistan vs New Zealand

mark chapman