متحدہ عرب امارات کے مرکزی بینک نے اماراتی درھم کا سرکاری علامت (لوگو) جاری کیا ہے۔ نئے لوگو کا اجرا مرکزی بینک نے گلوبل فارن ایکسچینج چارٹر کے ساتھ مل کرکیا ہے۔

عرب میڈیا کے مطابق نئی علامت کو عالمی سطح پر متعارف کرایا گیا ہے جو امارات کے عالمی مالیاتی مرکز کے طور پر مستحکم کرنے کی جانب ایک قدم ہے۔

مرکزی بینک کی جانب سے کرنسی کے ڈیجیٹل ورژن کے حوالے سے ’ڈیجیٹل درھم‘ بھی جاری کیے جاتے ہیں جن کے لیے بھی نیا لوگو متعارف کرایا گیا ہے۔

یو اے ای میں بھکاری 28 ہزار روپے فی گھنٹہ کمانے لگے

درہم کی نئی علامت انگریزی حروف’ ڈی’ سے متاثر ہے اور اس میں دو اُفقی لکیریں ہیں جو مالی استحکام کی نمائندگی کرتی ہیں۔

اس کا ڈیزائن امارات کے پرچم سے بھی متاثر ہے جو فخر اور لچک کی علامت ہے۔

متحدہ عرب امارات کے طویل مدتی ویزوں کی قبولیت کا تناسب کیا؟

سینٹرل بینک کا مزید کہنا ہے اماراتی ڈیجیٹل کرنسی سال رواں 2025 کی چوتھی سہ ماہی میں جاری کیے جانے کا امکان ہے جو لائسنس یافتہ مالیاتی اداروں اور بینکوں سے حاصل کی جاسکے گی۔

اس سے قبل سعودی مرکزی بینک کی جانب سے ریال کی نئی علامت جاری کی گئی تھی۔

سعودی ریال کی علامت کو عربی خطاطی اور قومی کرنسی ’ریال‘ کے نام کو خاص انداز سے لکھ کر تیار کیا گیا ہے۔ اسے مملکت کے اندر اور بین الاقوامی مالی و تجارتی لین دین میں استعمال کیا جا رہا ہے۔