پنجاب کے شہر فیصل آباد میں ڈکیتی کے دوران خاتون سے اجتماعی زیادتی کے واقعے میں ملوث دوسرے ملزم کو بھی پولیس نے گرفتار کرلیا، دونوں گرفتار ملزمان علی شیر اور فیصل شناخت پریڈ کے لیے جیل منتقل کردیا گیا ہے۔ ان کے دیگر ساتھیوں کی شناخت بھی ہو گئی ہے لیکن تاحال ان کی گرفتاری عمل میں نہ آسکی۔

ذرائع کے مطابق ہفتے کو دونوں ملزمان کو سخت سیکیورٹی میں عدالت پیش کیا گیا۔ جہاںعدالت نے ملزمان کو شناخت پریڈ کے لئے جوڈیشل کرنے کا حکم دیا۔

خیال رہے کہ دو روز قبل فیصل آباد میں تھانہ ساندل بار کے علاقہ 62 ج ب چنن کے موٹروے کے قریب ناکہ لگا کر کھڑے دو مسلح ملزمان نے موٹر سائیکل سوار عدنان اور اس کی اہلیہ سے لوٹ مار کی اور تیسرے ساتھی ملزم علی شیر کو بلا کر خاتون کو اجتماعی زیادتی کا نشانہ بنایا۔

پولیس نے کارروائی کرتے ہوئے واقعے میں ملوث دو ملزمان فیصل اور علی شیر کو گرفتار کرلیا اور ملزم فیصل کے قبضے سے چھینا گیا موبائل فون بھی برآمد کرلیا۔

ایس پی اقبال ٹاؤن عابد ظفر نے پریس کانفرنس کرتے ہوئے بتایا کہ گرفتار ملزم علی شیر نے ساتھیوں کے ہمراہ خاتون سے ریپ کا اعتراف کیا جبکہ گرفتار ملزم کے دو ساتھیوں میں عمر حیات اور فیصل شامل ہیں، گرفتار ہونے والے ملزمان میں فیصل ڈکیتی، راہزنی کا ریکارڈ یافتہ ہے۔

پولیس کی جانب سے گرفتار ملزم سے مزید تفتیش کا عمل جاری ہے جبکہ دیگر ایک ساتھی کی گرفتاری کے لیے چھاپے مارے جا رہے ہیں۔

اس سے قبل ایس پی اقبال ٹاؤن کا کہنا تھا کہ تین ڈاکوؤں نے ایک فیملی کو روکا اور دوران ڈکیتی خاتون کا ریپ کیا، متاثرہ خاتون زرعی یونیورسٹی میں ملازمہ تھی۔

محمد عابد ظفر نے مزید بتایا کہ 25 تاریخ کو رات 10 بجے یہ واقعہ پیش آیا، جس کے بعد ٹیمیں تشکیل دیں اور 24 گھنٹے میں ملزم علی شیر کو گرفتار کیا جس نے جرم قبول بھی کر لیا ہے۔

موٹر وے پر ایک اور دوران ڈکیتی خاتون سے اجتماعی زیادتی کا واقعہ، سی پی او کا جلد ملزمان کی گرفتاری کا حکم

آئی جی پنجاب کی زیادتی کا شکار متاثرہ خاتون کے گھر آمد

فیصل آباد کے علاقے ساندل بار میں خاتون سے زیادتی کے معاملے کے بعد آئی جی پنجاب ڈاکٹر عثمان انور متاثرہ خاتون کے گھر پہنچ گئے۔ آئی جی پنجاب نے متاثرہ خاتون اور اہل خانہ سے ملاقات کی اور وزیراعلی پنجاب کی طرف سے متاثرہ خاندان کے ساتھ ہمدردی اور یکجہتی کا پیغام پہنچایا۔

آئی جی پنجاب نے متاثرہ خاندان کو انصاف کی مکمل فراہمی اور ملزمان کو قرار واقعی سزا دلوانے کی یقین دہانی کرائی۔ انہوں نے کہا کہ فیصل آباد پولیس نے بروقت کاروائی کرکے چند گھنٹوں میں مرکزی ملزم گرفتار کئے۔ مریم نواز کے ویژن کے مطابق خواتین سے زیادتی، تشدد، ہراسگی پر زیرو ٹالرنس ہے۔

وزیراعلی مریم نواز شریف کی کامیاب کارروائی پر پولیس کو شاباش

فیصل آباد میں ڈکیتی میں اجتماعی زیادتی کا ملزم چند گھنٹے میں گرفتار ہونے پر وزیراعلی مریم نواز شریف نے کامیاب کارروائی پر پولیس کو شاباش دی۔

مریم نواز نے ملزم علی شیر کے دو ساتھیوں کی جلد گرفتاری یقینی بنانے اور دلخراش واقعہ کے ذمہ دار ملزم کے خلاف سزا یقینی بنانے کی ہدایت کی۔

مریم نواز کا کہنا ہے کہ خواتین کے خلاف ذیادتی کے واقعات قطعاً قابل قبول نہیں۔ خواتین اور بچوں کے تحفظ کے لئے تمام ممکنہ اقدامات کرینگے۔

واضح رہے کہ تھانہ ساندل بار کے علاقے چنن کے کا رہائشی عدنان اپنی اہلیہ کے ساتھ جا رہا تھا، جب وہ موٹروے پل کے قریب پہنچے تو 3 نامعلوم مسلح ڈاکوؤں نے ان کو روک لیا، ان سے نقدی اور موبائل فون چھیننے کے بعد ان کو گنے کے کھیت میں لے گئے جہاں پر ڈاکوؤں نے شوہر کو درخت کے ساتھ رسیوں سے باندھ کر اس کی بیوی کو اجتماعی زیادتی کا نشانہ بنایا اور فرار ہو گئے۔

واقعہ کے بعد زیادتی کا شکار خاتون اور اس کے شوہر کا ویڈیو بیان بھی سامنے آیا تھا۔ جس میں شوہر نے ایک ملزم علی شیر کو نامزد کیا تھا۔ جس پر پولیس نے واقعہ کا مقدمہ درج کرکے ملزم علی شیر کو گرفتار کرلیا۔

پولیس کے مطابق ملزم نے اعتراف جرم کر لیا ہے، واقعہ کے حوالے سے مزید تفتیش جاری ہے۔

یاد رہے کہ فیصل آباد میں موٹروے کے قریب سڑک پر اجتماعی زیادتی کی گھناؤنی واردات سامنے آئی ہے۔

پولیس کے مطابق اجتماعی زیادتی کا واقعہ موٹر وے کے قریب ساندل بار میں 2 روز قبل پیش آیا، جس کا مقدمہ 3 افراد کے خلاف درج کیا گیا۔

سرگودھا میں بیرون ملک نوکری کا جھانسہ دے کر لڑکی سے مبینہ اجتماعی زیادتی

خاتون کے شوہر کے مطابق ڈاکوؤں نے اسلحے کے زور پر ہمیں چنن کے قریب روکا اور مجھے درخت کے ساتھ باندھ کربیوی کو زیادتی کا نشانہ بنایا اور موبائل فونز اور نقدی چھین کر فرار ہو گئے۔

پولیس کے مطابق خاتون کا میڈیکل اور جائے وقوعہ کا جیو فارنزک کرا لیا گیا ہے، 6 مشتبہ افراد کو حراست میں لے کر تفتیش کی جا رہی ہے۔

موٹروے ریپ کی طرز کا ایک اور المناک واقعہ، لڑکی سے اجتماعی زیادتی

پولیس کے مطابق مدعی مقدمہ نے ایک ملزم کی نشاندہی بھی کی ہے، متاثرہ خاتون کے شوہر نے علی شیر نامی ملزم کو نامزد کیا ہے۔

خاتون کے شوہر کے مطابق 2 ڈاکوؤں کے فون کرنے پر آنے والا ساتھی علی شیر تھا، علی شیر بھی اجتماعی زیادتی کرنے والوں میں شامل تھا۔