پاکستان میں سونے کی قیمت میں آج بڑا اضافہ دیکھنے میں آیا جس کے بعد سونے کی قیمت 3 ہزار200 روپے کے اضافے سے 3 لاکھ 21 ہزار روپے کی نئی ریکارڈ سطح پر پہنچ گئی۔

تفصیلات کے مطابق عالمی اور مقامی مارکیٹوں میں سونے کی قیمتیں تاریخ کی نئی بلند ترین سطح پر پہنچ گئیں۔

آل پاکستان جیمز اینڈ جیولرز ایسوسی ایشن کے مطابق 24 قیراط کا حامل فی تولہ سونے کی قیمت میں 3 ہزار 200 روپے کا اضافہ ہوا جس کے بعد فی تولہ سونا 3 لاکھ 21 ہزار روپے کی بلند ترین سطح پر پہنچ گیا۔

اس کے علاوہ فی 10 گرام سونے کی قیمت بھی 2 ہزار 743 روپے کے اضافے سے 2 لاکھ 75 ہزار 205 روپے کی نئی بلند ترین سطح پر آگئی۔

پاکستان میں سونے کی قیمت میں سیکڑوں روپے کی کمی

اسی طرح فی تولہ چاندی کی قیمت 105 روپے کے اضافے سے 3 ہزار 580 روپے کی سطح پر آگئی اور فی 10 گرام چاندی کی قیمت بھی 90 روپے کے اضافے سے 3 ہزار 069 روپے کی سطح پر آگئی۔

دوسری جانب عالمی منڈی میں فی اونس سونے کا بھاؤ 31 ڈالر بڑھ کر 3 ہزار 52 ڈالر تک پہنچ گیا۔

واضح رہے کہ 20 مارچ کو فی تولہ سونا ایک ہزار 800 روپے بڑھ کر 3 لاکھ 20 ہزار 800 روپے کی نئی بُلند ترین سطح پر پہنچ گیا تھا۔

19 مارچ کو فی تولہ خالص سونے کے نرخ ایک ہزار 650 روپے بڑھ کر 3 لاکھ 19 ہزار روپے تک جا پہنچے تھے۔

گزشتہ روز (26 مارچ) کو ملک میں سونے کی قیمتیں برقرار رہی تھیں تاہم 25 مارچ کو 24 قیراط کے حامل فی تولہ خالص سونے کا بھاؤ 800 روپے تنزلی سے 3 لاکھ 17 ہزار 800 روپے رہا تھا۔

کس ملک کے پاس کتنا سونا؟

دنیا بھرمیں سونے کے ذخائر کے حوالے سے امریکا پہلے نمبر پرہے جبکہ ایشیا میں یہ اعزاز چین کے پاس ہے،بھارت عالمی سطح پر آٹھویں اورایشیا میں دوسرے نمبر پر ہے، پاکستان عالمی فہرست میں 49 ویں نمبر ہے۔

رپورٹ کے مطابق امریکا، جرمنی اور اٹلی سونے کے ذخائر کے حوالے سرفہرست ہیں، ایشیاء میں چین اور بھارت سونے سب سے زیادہ ذخائر رکھتے ہیں۔

بُلندی پر پہنچنے کے بعد سونے کی قیمتوں میں اچانک بڑی کمی

ورلڈ گولڈ کونسل کے مطابق مختلف ممالک کے مرکزی بینکوں نے 2024ء میں 1,000 میٹرک ٹن سے زائد سونا خریدااور پچھلی دہائی کی اوسط سالانہ خریداری کے تقریباً دگنا کے برابر ہے۔

اسی وجہ سے مرکزی بینک سونے کے بڑے ذخیرہ کار ہیں، جو تاریخ میں کان کُنی کے ذریعے نکالے گئے مجموعی سونے کا تقریباً پانچواں حصہ رکھتے ہیں۔