کراچی کے علاقے سرجانی ناردرن بائی پاس پر ٹرالر نے 15 سالہ موٹر سائیکل سوار کو کچل دیا، ٹرالر کی ٹکر سے 15 سالہ اویس جاں بحق ہوگیا۔

کراچی کے علاقے سرجانی ناردرن بائی پاس پر ایک اور افسوسناک حادثہ پیش آیا، جہاں ایک تیز رفتار ٹرالر نے نوجوان کو ٹکر مار دی، جس کے نتیجے میں 15 سالہ اویس جاں بحق ہو گیا۔

پولیس کے مطابق جاں بحق ہونے والا اویس موٹرسائیکل پر سوار تھا کہ اچانک ٹرالر کی زد میں آ گیا، حادثے کے بعد ٹرالر کا ڈرائیور موقع سے فرار ہو گیا۔

پولیس کا کہنا ہے کہ واقعے کی مزید تفتیش جاری ہے اور ڈرائیور کی تلاش کے لیے اقدامات کیے جا رہے ہیں۔

کراچی نادرن بائی پاس ٹرالر حادثے میں جاں بحق موٹرسائیکل سوار نوجوان اویس نویں جماعت کا طالب علم اور 5 بہن بھائیوں میں سب سے بڑا تھا۔

لواحقین کے مطابق اویس نویں جماعت کا پریکٹیکل دے کر گھر آرہا تھا، اویس کی لاش قانونی کاروائی کے بعد ایدھی سرد خانے منتقل کردی، میت کو تدفین کے لیے بہاولپور لے جایا جائے گا۔

انصاف نہ ملنے سے مایوس اویس کے والد نے قانونی کارروائی سے انکار کردیا۔

پولیس کا کہنا ہے کہ واقعے کا مقدمہ نامعلوم ڈرائیور کے خلاف سرکار کی مدعیت میں درج کیا جائے گا۔