انسداد دہشت گردی عدالت اسلام آباد نے پی ٹی آئی سوشل میڈیا ایکٹیوسٹ حیدر سعید کو 14 روز کیلئے شناخت پریڈ پر جیل بھیج دیا۔

انسدادِ دہشت گردی عدالت (اے ٹی سی) اسلام آباد میں پیکا قانون کے تحت درج مقدمہ کی سماعت ہوئی۔ عدالت نے پی ٹی آئی کے سوشل میڈیا ایکٹیوسٹ حیدر سعید کو 14 روز کیلئے جیل منتقل کرنے کی ہدایت کرتے ہوئے شناخت پریڈ کرانے کا حکم دے دیا۔

انسداد دہشت گری عدالت کے جج ابوالحسنات محمد ذوالقرنین نے کیس کی سماعت کی۔ پی ٹی آئی سوشل میڈیا ایکٹیوسٹ حیدر سعید کو عدالت میں پیش کیا گیا۔

جعفر ایکسپریس پر حملے کے بعد نفرت انگیز مہم میں ملوث ملزم بنی گالہ سے گرفتار

پولیس کی جانب سے حیدرسعید کو شناخت پریڈ کیلئے 14 روز جیل بھیجنے کی استدعا کی گئی جسے عدالت نے منظورکرلیا۔

یاد رہے کہ ایف آئی اے سائبر کرائم سرکل اسلام آباد نے کارروائی کرتے ہوئے ریاستی اداروں کے خلاف نفرت انگیز مہم چلانے والے ملزم حیدر سعید کو گرفتار کیا۔

بشری بی بی کیخلاف 26 نومبر احتجاج پر درج مقدمات کا معاملہ، ضمانت میں توسیع

ترجمان ایف آئی اے کے مطابق گرفتار ملزم حیدر سعید کو چھاپہ مار کارروائی میں بنی گالا اسلام آباد سے گرفتار کیا گیا۔

ملزم نے جعفر ایکسپریس سانحے کے دوران اداروں کے خلاف منفی پروپیگنڈا اور تضحیک آمیز مواد شیئر کیا جبکہ ملزم سوشل میڈیا پر کالعدم دہشت گرد تنظیموں کی حمایت اور اس کی تشہیر کرنے میں بھی ملوث پایا گیا۔