اسلام آباد ہائیکورٹ نے بانی پی ٹی آئی سے منگل اور جمعرات 2 دن کی ملاقات بحال کردی، اسلام آباد ہائیکورٹ نے حکم دیا ہے کہ بانی پی ٹی آئی سے ملاقات کے بعد میڈیا ٹاک نہیں ہوگی۔ جو نام سلمان اکرم راجہ دیں گے، صرف وہی ملاقات کرسکیں گے۔ قائم مقام چیف جسٹس سرفراز ڈوگر نے بانی پی ٹی آئی سے بچوں کی ملاقات کیلئے ٹرائل کورٹ کو درخواست دینے کی ہدایت کردی۔

اسلام آباد ہائیکورٹ کے قائم مقام چیف جسٹس سرفراز ڈوگر، جسٹس ارباب محمد طاہر اور جسٹس محمد اعظم پر مشتمل لارجر بینچ نے جیل ملاقاتوں سے متعلق درخواستوں پر سماعت کی۔

اسلام آباد ہائیکورٹ نے حکم دیا کہ جو بھی بانی پی ٹی آئی سے ملے گا وہ میڈیا ٹاک نہیں کرے گا اوربانی پی ٹی آئی کے کوآرڈینیٹر سلمان اکرم راجہ جو نام دیں گے صرف وہی ملاقات کر سکے گا۔

بشری بی بی کیخلاف 26 نومبر احتجاج پر درج مقدمات کا معاملہ، ضمانت میں توسیع

قائم مقام چیف جسٹس سرفراز ڈوگر نے ہدایت کی کہ بانی پی ٹی آئی کی بچوں سے ملاقات کے لیے ٹرائل کورٹ کو درخواست دیں۔ بانی پی ٹی آئی کی جیل ملاقاتوں سے متعلق درخواستوں پر لارجر بینچ میں سماعت ہوئی۔

وکیل پی ٹی آئی کا کہنا ہے کہ منگل کو فیملی اوروکلا، جمعرات کو دوستوں کی ملاقات کرائی جانی ہے۔

وکیل جیل سپریٹنڈنٹ نے کہا کہ دسمبر تک اسی ایس او پیز کے تحت جیل ملاقاتیں کرائی جا رہی تھیں، جنوری کے بعد سٹیٹس تبدیل ہوا، سیکورٹی تھریٹس بھی تھیں، اس کے بعد ہم جیل مینوئل کے مطابق بانی پی ٹی آئی کی منگل کے روزملاقاتیں کرا رہے ہیں۔ وکیل جیل سپریٹنڈنٹ کا مؤقف تھا کہ جنوری کے بعد بانی پی ٹی آئی کا سٹیٹس انڈر ٹرائل قیدی سے سزا یافتہ قیدی بن گیا۔

جسٹس ارباب محمد طاہر نے کہا کہ اپیل میں منگل اورجمعرات کی ملاقات کے ایس او پیز طے ہوئی تھی۔

وکیل نوید ملک کا مؤقف تھا کہ سیکورٹی تھریٹس کی وجہ سے دو دن کی بجائے منگل کو ہی دو ملاقاتیں کرا دییں، جیل رولزکے مطابق سپریٹنڈنٹ اڈیالہ جیل کا اختیار ہے، ایسی صورتحال میں رولز کے مطابق سپریٹنڈنٹ نے ملاقات کا طے کرنا ہے۔ یہ جیل ملاقاتوں کو سیاسی مقاصد کے لیے استعمال کرتے ہیں۔

قام مقام چیف جسٹس نے کہا کہ ہربندہ درخواست لے کر آ جاتا ہے، جیل ملاقات کے بعد میڈیا ٹاک کی کیا ضرورت ہے؟ یہ ملاقات کر کے چلے جائیں، ان سے انڈر ٹیکنگ لے لیتے ہیں، جیل ملاقات کے بعد میڈیا ٹاک نا کریں۔

اسلام آباد ہائی کورٹ کے قائم مقام چیف جسٹس سرفراز ڈوگر نے بانی پی ٹی آئی سے بچوں کی ملاقات کیلئے ٹرائل کورٹ کو درخواست دینے کی ہدایت کر دی۔