حکومت نے افغانستان کی صورتحال پر غور کے لیے آل پارٹیز کانفرنس (اے پی سی) بلانے کا فیصلہ کر لیا، بیرسٹر عقیل ملک نے کہا ہے کہ بھارت افغانستان کو اپنے ناپاک عزائم کے لیے استعمال کر رہا ہے، جس پر پاکستان کو گہری تشویش ہے۔

مسلم لیگ (ن) لیگی رہنما بیرسٹر عقیل ملک نے کہا کہ افغانستان کے معاملے پر اے پی سی بلائی جائے گی، بھارت افغانستان کو اپنے ناپاک عزائم کے لیے استعمال کررہا ہے۔

انہوں نے کہا کہ مصدقہ اطلاعات ہیں کہ حالیہ حملے میں ملوث ایک حملہ آور افغان شہری تھا، طور خم بارڈر کو وقتی طور پر کھولا گیا ہے تاہم افغان پناہ گزینوں کی واپسی ناگزیر ہے۔

بیرسٹر عقیل ملک نے واضح کیا کہ پاکستان اپنے شہریوں کے تحفظ کو اولین ترجیح دیتا ہے اور غیرملکیوں کو اپنے عوام پر فوقیت نہیں دے سکتا۔

انہوں نے مزید کہا کہ ملک اور شہریوں کو نقصان پہنچنے کی اجازت نہیں دی جا سکتی اور اس حوالے سے سخت فیصلے کرنا ہوں گے۔