Aaj News

جمعرات, مئ 08, 2025  
10 Dhul-Qadah 1446  

امریکا کی کولمبیا یونیورسٹی نے ٹرمپ کے آگے گھٹنے ٹیک دیئے

کیمپس سے گرفتاریوں کی اجازت دے دی
شائع 22 مارچ 2025 12:10pm

صدر ٹرمپ کی فنڈز کی بندش پر کولمبیا یونیورسٹی نے گھٹنے ٹیک دیے، کیمپس سے گرفتاریوں کی اجازت دے دی، ماسک پہننے پر بھی پابندی عائد کردی۔

غیر ملکی زرائع ابلاغ کے مطابق وفاقی فنڈز کی بندش کا شکار امریکا کی کولمبیا یونیورسٹی کو بالآخر امریکی صدر ڈونلڈ ٹرمپ کی بات ماننا پڑگئی۔

امریکا کی کولمبیا یونیورسٹی نے مظاہروں، سکیورٹی اقدامات اور شعبہ مشرق وسطیٰ سے متعلق اپنی پالیسی کا باریک بینی سے جائزہ لے کر اسے بہتر بنانے پر آمادگی ظاہر کردی ہے۔

نئے اقدامات کے تحت یونیورسٹی 36 اسپیشل افسر تعینات کرے گی جو کیمپس سے لوگوں کو گرفتار کرنے اور بے دخل کرنے کے اہل ہوں گے۔

ٹرمپ انتظامیہ نے یونیورسٹی پر الزام لگایا تھا کہ وہ یہودی طلبہ اور فیکلٹی ممبران کو ہراساں کیے جانے سے روکنے میں ناکام رہی ہے۔ اس بنیاد پر ٹرمپ نے یونیورسٹی کی چار سو ملین ڈالر فنڈز میں کٹوتی کر دی تھی۔

columbia university

US Funding

Bows to Demands