پنجاب کے علاقے لیاقت پور میں زمین کے تنازعہ پر ملزمان نے خاتون کو اہلخانہ سمیت تشدد کا نشانہ بنا دیا۔ پولیس نے متاثرین کو ہتھکڑیاں لگادیں۔ اسپتال میں ہتھکڑی لگے زخمیوں کی ویڈیو آج نیوزکو موصول ہوگئی۔

لیاقت پور میں بااثر ملزمان نے زمین کے تنازعہ پر خاتون اور اس کے اہلخانہ کو بدترین تشدد کا نشانہ بنا دیا ہے، جبکہ پولیس نے ملزمان کو گرفتارکرنے کے بجائے متاثرہ زخمیوں کو ہتھکڑیاں لگا دیں۔

سرگودھا: منشیات فروشوں کی فائرنگ سے 2 پولیس اہلکار شہید، 2 زخمی

اسپتال میں ہتھکڑی لگے زخمیوں کی ویڈیو آج نیوزکو موصول ہوگئی ہے۔ ویڈیو میں دیکھا جاسکتا ہے کہ زخمیوں کو ہتھکڑی لگی ہوئی ہے۔ واقعہ پر متاثرہ خاتون پولیس اور ملزمان کے خلاف سراپا احتجاج ہے۔

لاہور: نالے سے ماں بیٹی کی تشدد زدہ لاشیں ملیں، شناخت نہ ہوسکی

متاثرہ خاتون کا کہنا ہے کہ ملزمان سے ہمارا عرصہ دراز سے زمینی تنازعہ چل رہا ہے، بااثر ملزمان نے مسلح ہوکر ہمارے گھر پر دھاوا بول دیا، اور ہم پربہیمانہ تشدد کیا۔

خاتون نے بتایا کہ پولیس ملزمان کو گرفتار کرنے کے بجائے ہمارے زخمی اہل خانہ کوگرفتار کر لیا۔ انہوں نے کہا کہ پولیس ہمارے ساتھ نا انصافی کر رہی ہے۔ ڈی پی او رحیم یار خان واقعہ کا فوری طور پر نوٹس لیں۔