پنجاب کے ضلع سرگودھا میں منشیات فروشوں کی فائرنگ سے 2 پولیس اہلکار شہید ہوگئے جبکہ سب انسپکٹر سمیت 2 اہلکار زخمی ہوگئے۔

سرگودھا کی تحصیل کوٹ مومن کے تھانہ لکسیاں کی حدود میں مبینہ پولیس مقابلے کے دوران منشیات فروشوں کی فائرنگ سے پولیس کے 2 کانسٹیبل عمران وینس اور کانسٹیبل رانا شفیق شہید جبکہ سب انسپکٹر ممتاز اور ایلیٹ کانسٹیبل نعمان شدید زخمی ہوگئے۔

ننکانہ صاحب سے 6 رکنی ڈکیت گینگ گرفتار، لاکھوں روپے برآمد

پولیس ذرائع کے مطابق پولیس نے تھانہ لکسیاں کی حدود میں منشیات فروشوں کے اڈے پر چھاپہ مارا تو ملزمان نے پولیس پر اندھا دھند فائرنگ کردی۔ فائرنگ کے تبادلے کے بعد ملزمان موقع سے فرار ہونے میں کامیاب ہوگئے، جن کی گرفتاری کے لیے چھاپے مارے جا رہے ہیں۔

سرگودھا: اولاد نہ ہونے پر شوہر نے پہلی بیوی کیساتھ مل کر دوسری بیوی کو قتل کردیا

اطلاع ملتے ہی آر پی او شہزاد آصف خان اور ڈی پی او محمد صہیب اشرف موقع پر پولیس کی بھاری نفری کے ہمراہ موقع پر پہنچ گئے۔ شہداء کے جسد خاکی اور زخمیوں کو ڈسٹرکٹ ہیڈ کوارٹر اسپتال منتقل کردیا گیا۔

سرگودھا میں بیرون ملک نوکری کا جھانسہ دے کر لڑکی سے مبینہ اجتماعی زیادتی

پولیس حکام کے مطابق ملزمان کی فوری گرفتاری کے لئے ٹیمیں تشکیل دے دی گئی ہیں۔

دریں اثنا پولیس شہداء کی نماز جنازہ پولیس لائنز میں ادا کردی گئی۔ نماز جنازہ میں آرپی او شہزاد آصف خان، کمشنر ملک جہانزیب اعوان نے بھی شرکت کی۔ جبکہ سرگودھا پولیس کے چاق و چوبند دستے نے سلامی پیش کی۔