مشیر اطلاعات خیبر پختونخوا بیر سٹر سیف کہتے ہیں پارلیمانی کمیٹی برائے قومی سلامتی کا اجلاس بلانے والے بتائیں کہ نواز شریف نے اجلاس کا بائیکاٹ کیوں کیا؟

گذشتہ روز پارلیمنٹ ہاؤس میں قومی سلامتی کی پارلیمانی کمیٹی کے اجلاس میں سابق وزیراعظم نواز شریف کی عدم شرکت پربیرسٹر سیف نے سوالات اٹھا دیے۔

مشیر اطلاعات خیبر پختون خوا بیرسٹر سیف نے اپنے بیان میں کہا ہے کہ پارلیمانی کمیٹی برائے قومی سلامتی کا اجلاس بلانے والے بتائیں کہ نواز شریف نے اجلاس کا بائیکاٹ کیوں کیا؟

بیرسٹرسیف نے بیان میں کہا کہ کیا نوازشریف کی غیر موجودگی دہشت گردوں کی حمایت ہے؟ کیا نوازشریف کے پلیٹ لٹس پھر گر گئے ہیں کہ اجلاس میں نہیں آئے۔

قومی سیاسی اور عسکری قیادت نے دہشت گردوں سے آہنی ہاتھوں سے نمٹنے کا فیصلہ کرلیا

مشیر اطلاعات کے پی نے کہا کہ پی ٹی آئی کو جیل میں قید کر کے حکومت نے قومی اتفاق رائے کو خود ناکام بنایا، گزشتہ پانچ آپریشنز کی طرح کسی نئے آپریشن سے پہلے قومی اتحاد کی طاقت سے مسلح ہونا اولین شرط ہے۔

بیرسٹر سیف نے تنیقد میں مزید کہا کہ حکمرانوں کے شدت جذبات اور الفاظ کی تکرار دہشت گردی کا کچھ نہیں بگاڑ سکتے، پی ٹی آئی دہشت گردی کے خلاف قوم کے اتحاد اور احساسات کی حقیقی ترجمان ہے۔

ان کا کہنا تھا کہ پی ٹی آئی دہشت گردی کے خلاف قربانیاں دینے والے قوم کے بہادروں کے ساتھ کھڑی ہے۔