آئی ایس پی آر کے مطابق سیکیورٹی فورسز نے ٹانک میں چیک پوسٹ پر حملہ ناکام بناتے ہوئے خود کش حملہ آور سمیت 10 دہشت گردوں کو ہلاک کر دیا۔

پاک فوج کے شعبہ برائے تعلقاتِ عامہ (آئی ایس پی آر) کے مطابق سیکیورٹی اہلکاروں نے بہادری سے خوارج کا مقابلہ کیا، حملہ آور کو مؤثر طریقے سے چیک پوسٹ کی طرف بڑھنے سے روکا۔

آئی ایس پی آر کا کہنا ہے کہ دہشت گردوں کی جانب سے ٹانک کے علاقے جنڈولہ میں چیک پوسٹ پرداخلے کی کوشش کی جسے ناکام بنا دیا۔ چیک پوسٹ پرخارجیوں نے حملہ کیا۔

آئی ایس پی آر کے مطابق شدید فائرنگ کے تبادلے کے بعد پاک فوج کے جوانوں نے کارروائی کرتے ہوئے خود کش بمبار سمیت 10 دہشتگردوں کو ہلاک کردیا۔

سانحہ جعفر ایکسپریس؛ کلیئرنس آپریشن میں ہلاک دہشتگردوں کی تصاویر منظرعام پر

ترجمان پاک فوج کا کہنا ہے کہ ناکامی پرخوارج نے ایک بارود سے بھری گاڑی دیوارسےٹکرا دی۔

آئی ایس پی آر کے مطابق علاقے میں پائے جانے والے کسی ممکنہ خارجی کو ختم کرنے کے لئے سینیٹائزیشن آپریشن بھی کیا گیا، سیکیورٹی فورسز ملک سے دہشت گردی کی لعنت کو ختم کرنے کے لئے پرعزم ہیں۔