لاہور کے میو اسپتال میں انجکشن سے مریضوں کو ری ایکشن کے معاملے پر ڈائریکٹوریٹ آف ڈرگ کنٹرول نے پنجاب بھر میں نجی کمپنی کے انجکشن کا استعمال فوری روکنے کا حکم دے دیا۔

ڈائریکٹوریٹ آف ڈرگ کنٹرول نے صوبے بھر کی فارمیسیز کو ہدایات جاری کردیں، مراسلے میں کہا گیا کہ انجکشن کا استعمال مشتبہ طور پر صحت کے لیے خطرہ ہے، انجکشن ”ویکسا“ اور محلول ”نیوٹرولائن“ کا استعمال روک دیا جائے، انجکشن کے مخصوص بیچ استعمال سے روکے جائیں۔

ڈائریکٹوریٹ ڈرگ کنٹرول کے مطابق ادویات کے ٹیسٹوں کی رپورٹس آنے تک استعمال روکا جائے، فیصلہ مریضوں کے تحفظ کے پیش نظر کیا گیا۔

پنجاب کے 35 ٹیچنگ اسپتالوں میں مستقل ایم ایس لگانے کے لیے اشتہار جاری

دوسری جانب پنجاب کے 35 ٹیچنگ اسپتالوں میں مستقل ایم ایس لگانے کے لیے اشتہار جاری کردیا گیا، محکمہ اسپیشلائزڈ ہیلتھ کیئر اینڈ میڈیکل ایجوکیشن کی جانب سے اشتہار جاری کیا گیا۔

میو اسپتال میں انجیکشن کے ری ایکشن سے ہلاکتوں میں انسانی لاپرواہی کا امکان، مریم نواز کا نوٹس

ایم ایس کی تعیناتی کے لیے امیدوار25 مارچ تک درخواست آن لائن جمع کرواسکتے ہیں، امیدوار کا ایم ایس، ایم ڈی اور ایم ایس سی ہونا لازمی قرار دیا گیا ہے۔

جنرل کیڈر اور ٹیچنگ کیڈر کے تمام امیدوار درخواست جمع کرواسکتے ہے، ایم ایس کی تعیناتی کے لیے محکمہ پرائمری سیکنڈری ہیلتھ کیئر کی جانب سے کمیٹی تشکیل دے دی گئی، کمیٹی درخواست گزاروں کے انٹرویوز کرے گی۔

نرسوں نے سیکرٹری ہیلتھ سے مذاکرات کے بعد احتجاج موخر کر دیا

میو اسپتال لاہور میں انجیکشن کے مبینہ ری ایکشن کے معاملے پر نرسوں نے سیکرٹری ہیلتھ سے مذاکرات کے بعد احتجاج موخر کر دیا۔ بین کئے گئے انجیکشن کی ڈی ٹی ایل رپورٹ کے بعد احتجاج کا فیصلہ کیا جائے گا۔

میو اسپتال لاہور میں انجیکشن کے مبینہ ری ایکشن کے معاملے پر تین نرسوں کو شوکاز نوٹس ہوئے کے بعد نرسز نے گذشتہ رات احتجاجی مظاہرہ کیا اور صبح ہوتے ہی سیکرٹری صحت پنجاب سے مذاکرات کیلئے پہنچ گئیں۔

نرسز کی جانب سے واقعہ کی دوبارہ تحقیقات کا مطالبہ رکھا گیا اور مذاکرات کے بعد انجیکشن کی ڈی ٹی ایل رپورٹ ملنے تک احتجاج موخر کر دیا۔

مریضوں کے تحفظ کے پیش نظر ڈائریکٹوریٹ آف ڈرگ کنٹرول نے پنجاب بھر میں نجی کمپنی کے انجیکشن کا استعمال فوری روکنے کا حکم دے دیا ہے۔

دوسری جانب میو اسپتال میں ینگ ڈاکٹرز ایسوسی ایشن نے وزیراعلیٰ پنجاب کے دورے کے دوران سابق ایم ایس سے مبینہ ناروا سلوک کے خلاف یوم سیاہ منایا۔

ڈاکٹرز کہتے ہیں ہسپتال میں ادویات کی عدم دستیابی کی ذمہ داری ڈاکٹرز پر نہیں بلکہ حکومت پر عائد ہوتی ہے مگر ہمیشہ سفید کوٹ کو نشانہ بناتے ہوئے معطل کیا جاتا ہے۔

میو اسپتال میں ادویات کی قلت پر مزید معطلی، وزیراعلیٰ پنجاب کی ہدایت پر فنڈز جاری

میو اپستال انجیکشن ری ایکشن کیس: 3 نرسز کو شوکاز نوٹس جاری کر دیے گئے

واضح رہے کہ وزیراعلیٰ پنجاب مریم نواز نے گزشتہ ہفتے میو اسپتال کا دورہ کیا تھا اور مریضوں کی جانب سے دواؤں کی قلت کی شکایات پر چیف ایگزیکٹو افسر (سی ای او) ڈاکٹر احسن اور میڈیکل سپرنٹنڈنٹ پروفیسر ڈاکٹر فیصل مسعود پر برہمی کا اظہار کرتے ہوئے انہیں برطرف کردیا تھا۔