اقوام متحدہ میں پاکستان کے مستقل مندوب منیر اکرم نے کہا ہے کہ ٹھوس شواہد موجود ہیں کابل حکام پاکستان میں ہونے والے حملوں کی سرپرستی کر رہے ہیں۔

منیر اکرم نیازی نے سلامتی کونسل سے خطاب کرتے ہوئے کہا کہ افغان عبوری حکومت خطے کو لاحق خطرات سے نمٹنے میں ناکام ہو چکی ہے اور افغانستان میں القاعدہ، ٹی ٹی پی، پی ایل اے اور مجید بریگیڈ سمیت بیس سے زائد دہشت گرد تنظیمیں سرگرم ہیں، جو پاکستان اور خطے کی سلامتی کے لیے خطرہ بنی ہوئی ہیں۔

غیرقانونی افغان مہاجرین نے پاکستان کے ساتھ ساتھ ایران کی ناک میں بھی دم کردیا

منیر اکرم نے کہا کہ کالعدم ٹی ٹی پی افغانستان میں سرگرم سب سے بڑی دہشت گرد تنظیم ہے جو سرحدی پناہ گاہوں سے پاکستان پر حملے کرتی ہے۔

انہوں نے یو این سیکریٹری جنرل کی رپورٹ میں دہشت گردی کے کم تذکرے پر مایوسی کا اظہار کرتے ہوئے کہا کہ پاکستان اقوام متحدہ میں اس مسئلے پر مناسب لائحہ عمل کے لیے مشاورت کرے گا اور دہشت گردی کے خاتمے کے لیے تمام ضروری اقدامات اٹھائے گا۔

بلوچستان میں شہید عالم دین نے کلبھوشن یادیو کو گرفتار کرایا تھا، بھارتی اخبار

ان کا کہنا تھا کہ اس میں دوحہ عمل کے تحت انسدادِ دہشت گردی پر ورکنگ گروپ قائم کیا جائے گا۔

منیر اکرم نے سلامتی کونسل کو پاک افغان سرحد سے داعش دہشت گرد محمد شریف اللہ کی گرفتاری سے بھی آگاہ کیا۔