آئندہ ہفتے پیٹرولیم مصنوعات کی قیمتوں میں بڑی کمی کا امکان ہے، پیٹرول تیرہ سے پندرہ روپے، ڈیزل گیارہ روپے فی لیٹرتک سستا ہوسکتا ہے۔

ذرائع کے مطابق عالمی مارکیٹ میں پٹرولیم مصنوعات کی قیمتوں میں بڑی کمی کے بعد پاکستان میں بھی پٹرولیم مصنوعات کی قیمتیوں میں بڑی کمی کا امکان ہے۔

پٹرول کی فی لیٹر میں 13سے15 روپے تک کمی ہوسکتی ہے، ڈیزل کی قیمت میں 11 روپے تک کی کمی کا امکان ہے۔

قیمتوں میں ردوبدول کے حوالے سے اوگرا اپنی سفارشات تیار کرے گا، قیمتوں میں ردوبدل کے حتمی فیصلے کے بعد وزارت خزانہ نوٹیفکیشن جاری کرے گا۔

وفاقی وزیر برائے پٹرولیم علی پرویز ملک نے عہدے کا چارج سنبھال لیا

دوسری جانب وفاقی وزیر برائے پٹرولیم علی پرویز ملک نے عہدے کا چارج سنبھال لیا، وزارت آمد پر سیکرٹری پٹرولیم مومن آغا و دیگر حکام نے استقبال کیا۔

وزارت کے اداروں اور ذمہ داریوں پر جامع بریفنگ کے لیے وفاقی وزیر علی پرویز ملک نے اہم اجلاس کی صدارت کی سحر و افطار میں گیس فراہمی یقینی بنانے کے لیے سخت ہدایات جاری کیں۔

حکام نے موجودہ تیل اور گیس کے ذخائر، سپلائی چین، ڈیمانڈ سپلائی پروجیکشن سے وزیر پیٹرولیم کو آگاہ کیا اوروزارت کے جاری منصوبوں اور مستقبل کے لائحہ عمل پر تفصیلی گفتگو ہوئی۔

وفاقی وزیر نے کہا کہ پٹرولیم شعبے کو درپیش چیلنجز سے نمٹنا اولین ترجیح ہے۔ توانائی کا شعبہ شہہ رگ کی حیثیت رکھتا ہے۔ عوام پر بوجھ کم کرنے کے لیے تمام وسائل بروئے کار لائیں گے۔

انھوں نے کہا کہ پٹرولیم و منرل سیکٹر میں بیرونی سرمایہ کاری ملک کے لیے خوش آئند ہے، تیل وگیس کی مقامی پیداوار میں اضافے سے عوام کو ریلیف ملے گا۔