Aaj News

اتوار, مئ 04, 2025  
06 Dhul-Qadah 1446  

بدقسمتی سے موجودہ ملکی حالات میں کوئی محفوظ نہیں، شاہد خاقان عباسی

ن لیگ کے رہنما اقبال ظفر جھگڑا نے دارالعلوم انتظامیہ کو نوازشریف اور شہباز شریف کا پیغام پہنچایا
شائع 02 مارچ 2025 05:11pm

سابق وزیر اعظم شاہد خاقان عباسی اور لیگی رہنما اقبال ظفر جھگڑا نے دارالعلوم حقانیہ کا دورہ کیا، شاہد خاقان نے حملے کو اسلام پر وار قراردے دیا۔

عوام پاکستان پارٹی کے سربراہ شاہد خاقان عباسی نے دارالعلوم حقانیہ اکوڑہ خٹک کا دورہ کیا۔اور مولاناحامد الحق شہید کے لئے فاتخہ خوانی کی۔

اس موقع پر میڈیا سے گفتگو کرتے ہوئے شاہد خاقان نے کہا کہ مولانا حامد الحق اوران کے والد مولانا سمیع الحق سے گہرے تعلقات تھے۔

انہوں نے کہا کہ بدقسمتی سے موجودہ ملکی حالات ایسے ہیں، ان میں کوئی بھی محفوظ نہیں، اگر ملک میں اتحاد کا مظاہرہ نہیں کریں گے تو دشمن ہم پر بھاری ہوگا۔

اپوزیشن رہنمائوں کی شاہد خاقان عباسی کی رہائشگاہ پر اہم بیٹھک

ان کا کہنا تھا کہ دارالعلوم حقانیہ پر دہشت گردوں کا بزدلانہ وار عالم اسلام پر حملہ ہے، حملے کی مذمت کرتے ہیں، غمزدہ خاندان کے ساتھ غم کی گھڑی میں برابر کے شریک ہیں۔

سابق وزیر اعظم شاہد خاقان عباسی نے مطالبہ کیا کہ حکومت ایسے واقعات کی روک تھام فوری اور بروقت اقدامات اٹھائے۔

شاہد خاقان عباسی کی جماعت ’عوام پاکستان پارٹی‘ الیکشن کمیشن میں رجسٹرڈ

دوسری جانب پاکستان مسلم لیگ ن کے مرکزی رہنما اقبال ظفر جھگڑا نے دارالعلوم کی انتظامیہ کو نواز شریف اورشہباز شریف کا پیغام پہنچایا۔

PMLN

Shahid Khaqan Abbasi

paksitan

Akora Khatak Blast