منشیات کے گندے دھندے کے بڑے کردار بے نقاب ہوگئے، منشیات کیس کے ملزم ساحر حسین نے اسپیشلائزڈ یونٹ کو سب بتادیا۔ بڑے بزنس مین اور سیاستدانوں کے نام بے نقاب کردیے۔ ہم تعلیمی اداروں میں جا کر منشیات نہیں دیتے۔ کالج اور یونیورسٹی کے لڑکے لڑکیاں آن لائن آرڈر کرتے ہیں ۔۔ مخصوص مقام پر ڈیلیوری دی جاتی ہے ۔۔ پہلے طلبا سے دوستی کرتے ہیں پھر انہیں ویڈ کی عادت میں مبتلا کرتے ہیں ۔۔ چند ماہ میں ہی منشیات کے خریداروں کا سرکل بڑھ جاتا ہے۔ ایس ایس پی شعیب میمن کہتے ہیں شہر میں دو بڑے گروپ کام کررہے ہیں، بیس کردار منظر سے غائب ہو چکے۔

کراچی کے علاقے ڈیفنس سے اغوا کے بعد قتل ہونے والے مصطفیٰ کیس کی تفتیش میں اہم پیش رفت سامنے آئی ہے، منشیات کے مقدمات میں گرفتار ساحر حسن نے اسپیشلائزڈ یونٹ کے سامنے ہوشربا انکشافات کردیے۔

مصطفیٰ عامر قتل کیس کی تحقیقات کے دوران منیشات کیس سے جڑے گرفتار ساحر حسن نے اسپیشلائزڈ یونٹ کو اپنے بیان میں کہا کہ یہ تاثر غلط ہے کہ ہم خود تعلیمی اداروں میں جا کر منشیات دیتے ہیں، کالج یونیورسٹی کے لڑکے لڑکیاں آن لائن موبائل ایپ سے آرڈر کرتے ہیں۔

ملزم ساحر حسن نے اپنے بیان میں کہا کہ آرڈر کرنے والوں کو مخصوص مقام پر ڈیلیوری دی جاتی ہے، کالج اور یونیورسٹی کے طلبا سے دوستی کرتے ہیں اس کے بعد انہیں ویڈ استعمال کی عادت میں مبتلا کیا جاتا ہے، ابتدا میں ایک یونیورسٹی یا کالج میں چند خریدار ہوتے ہیں لیکن چند ماہ میں ہی ویڈ کے خریداروں کا سرکل بڑھ جاتا ہے۔

ملزم نے یہ بھی بتایا کہ بازل اور یحیی سے منشیات لے کر فروخت کرتا تھا، کروڑوں کی منشیات منگوائی،ہر ہفتے چار سے پانچ لاکھ روپے ادا کیے۔

یس ایس پی شعیب میمن نے اس حوالے سے بتایا کہ شہر میں ویڈ فروخت کے دو بڑے گروپ کام کررہے ہیں، ایک گروپ کیلیفورنیا سے غیر قانونی طریقے سے ویڈ منگواتا ہے، دوسرا گروپ ایرانی ویڈ فروخت کرتا ہے۔

منشیات کے بڑے نیٹ ورک کو بے نقاب کرنے والے ملزم ساحرحسین سے مزید تفتیش رک گئی

ایس ایس پی نے کہا کہ مصطفی عامر اور ساحر حسن گٹھ جوڑ ٹوٹنے سے ویڈ کی 50 فیصد فروخت رک گئی تھی، اس وقت ویڈ استعمال کرنے والوں کو منشیات آسانی سے دستیاب نہیں ہے۔

شعیب میمن کا مزید کہنا تھا کہ ویڈ فروخت کرنے والے 20 کردار ہیں جو منظر سے غائب ہو چکے، ویڈ فروخت کرنے والا کوئی شخص ملک سے باہر نہیں گیا، پولیس ایرانی ویڈ گروپ کے خلاف گھیرا تنگ کر رہی ہے۔

خیال رہے کہ اداکار ساجد حسن کے بیٹے ساحر حسن کو منشیات برآمدگی کے کیس میں گرفتار کیا گیا تھا جس کے بعد، انہیں جیل بھیج دیا گیا ہے، ملزم ساحر نے دوران تفتیش بڑے بزنس مین، سیاستدانوں اور دیگر کے نام بتائے تھے۔

ملزم کا کہنا تھا کہ منشیات کی آن لائن رقم والد ساجد کے منیجر کے اکاؤنٹ میں منگواتا تھا، 5 سال سے ماڈلنگ اور 13 سال سے ویڈ کا نشہ کر رہا ہوں۔

ملزم نے بتایا تھا کہ وہ 2 سال سے ویڈ فروخت کر رہا تھا، بازل اور یحیی سے منشیات لے کر فروخت کرتا تھا کوریئر کمپنیوں کے ذریعے کروڑوں کی منشیات منگوائی، ہر ہفتے 4 سے 5 لاکھ روپے ادا کرتا تھا۔

ڈارک ویب سے منشیات کی سپلائی، مصطفیٰ عامر اور ساحر حسن کراچی کے بڑے منشیات ڈیلرز میں شامل، حکام کا انکشاف

مصطفیٰ قتل کیس: اداکار ساجد حسن کا کام بند، محلے داروں نے قطع تعلق کرلیا

واضح رہے کہ ساحر حسن نے متعدد کمرشلز میں ماڈلنگ ،ٹی وی ڈراموں میں ادکاری کرچکا ہے جبکہ ماڈل اور اداکاری کے ساتھ فری لانس کام بھی کرتا ہے۔