موٹر سائیکل سوار ایک ایک میٹر سفید کپڑا خرید لیں، چیئرمین مہاجر قومی موومنٹ نے شہریوں کو تجویز دیدی، کہتے ہیں کہ شہر میں 45 لاکھ موٹر سائیکل رجسٹرڈ ہیں، ٹریفک حادثات میں جاں بحق ہونے والوں کی مالی معاونت کا بندوست کرنا ہے۔

شہر میں ٹریفک حادثات کی روک تھام کے لیے چیئرمین مہاجر قومی موومنٹ متحرک ہوگئے۔ ڈیفنس میں اپنی رہائشگاہ پر پریس کانفرنس کرتے ہوئے آفاق احمد بولے آرمی کے ٹینک الخالد سے زیادہ وزن ڈمپرز کا ہے۔

آفاق احمد نے کہا کہ حکومت سے دن کے اوقات میں ہیوری ٹریفک پر پابندی عائد کرنے کا ایک بار پھر مطالبہ کرتے ہیں، شہر میں ٹریفک حادثات کا جائزہ لینے کے لیے وکلا اور مرکزی کمیٹی کے ذمہ داران ہر مشتمل کمیٹی بھی تشکیل دیدی ہے، جلد عدالتوں کا دروازہ کھٹکھٹائیں گے۔

کراچی میں گاڑیاں جلنے پر مہاجر قومی موومنٹ کے چیئرمین آفاق احمد گرفتار

چیئرمین مہاجر قومی موومنٹ نے رینجرز کو سندھ بھر میں پولیسنگ کا اختیارات دینے کا مطالبہ کرتے ہوئے کہا کہ طویل عرصے سے کراچی میں تعینات رینجرز اگر صوبے میں تعینات ہوگی تو یقینی طور پر امن و امان کی صورتحال میں مزید بہتری آئے گی۔

ڈمپرجلانے کا مقدمہ؛ آفاق احمد ضمانت منظور ہونے کے بعد دوبارہ گرفتار

چیئرمین مہاجر قومی موومنٹ آفاق احمد کا کہنا تھا کہ جیل کی سلاخوں کے پیچھے قید و بند کی صوبتیں برداشت کرنا تکلیف دہ عمل ہوتا ہے، جن سیاسی قائدین نے میرے معاملے پر آواز بلند کی ان کا شکریہ ادا کرتا ہوں۔

چئیرمین مہاجر قومی موومنٹ آفاق احمد سینٹرل جیل سے رہا

یادرہے کہ مہاجر قومی موومنٹ کے چیئرمین آفاق احمد کو اشتعال انگیز بیان پر پولیس نے گرفتار کیا تھا۔ آفاق احمد کو کراچی میں ان کی رہائش گاہ سے گرفتار کیا گیا۔

پولیس کا کہنا تھا کہ آفاق احمد کے کہنے پر کراچی میں مال بردار گاڑیاں جلائی گئیں، کورنگی میں مال بردار گاڑیوں کو جلانے کا مقدمہ درج کیا گیا تھا، مہاجر قومی موومنٹ کے چیئرمین کے خلاف جلاؤ گھیراؤ کی دفعات کے تحت مقدمہ درج کیا گیا۔