لاہور ہائیکورٹ میں سائل نے خود کو آگ لگا لی
لاہور ہائیکورٹ میں آصف جاوید نامی سائل نے خود کو آگ لگا لی۔ واقعے کے فوری بعد ریسکیو ٹیم نے اسے قریبی اسپتال منتقل کر دیا۔
رپورٹ کے مطابق آصف جاوید کا کیس لاہور ہائیکورٹ کے جج جسٹس شجاعت علی خان کی عدالت میں زیرِ سماعت تھا۔
خانیوال کے رہائشی آصف جاوید نے نوکری سے برطرفی کیخلاف اپیل دائر کر رکھی تھی، آصف جاوید کے وکیل نے عدالت میں وکالت نامہ پیش کرنے کی مہلت کی استدعا کی تھی۔
وکیل اطہر چوہدری نے عدالت سے کہا کہ میں نیا وکیل مقرر ہوا ہوں، لہٰذا وکالت نامہ جمع کروانے کی مہلت دی جائے، جس پر جسٹس شجاع علی خان نے وکالت نامے جمع کروانے سے متعلق وکیل کی استدعا منظور کرلی۔
سائل آصف جاوید نے اپنے وکیل مظہر الہیٰ کو خود ہی تبدیل کردیا تھا، آج سائل آصف جاوید نے نئے وکیل اطہر عزیز چوہدری کی خدمات حاصل کیں تھیں۔
سائل آصف جاوید کو نجی کمپنی نے 2016 میں برطرف کر دیا تھا، 2019 میں لیبر کورٹ نے سائل کی برطرفی کا فیصلہ کالعدم قرار دیتے ہوئے اسے نوکری پر بحال کر دیا تھا۔
نجی کمپنی نے لیبر کورٹ کا فیصلہ نیشنل انڈسٹریل ریلیشن کمیشن میں چیلنج کیا، 23 نومبر 2020 کو نیشنل انڈسٹریل ریلیشن کمیشن نے نجی کمپنی کی اپیل خارج کردی، جس پر نجی کمپنی نے دسمبر 2020 میں ہائیکورٹ میں کیس دائر کر دیا۔
دوسری جانب احاطہ عدالت میں پیٹرول پہنچنے پر چیف جسٹس لاہور ہائیکورٹ عالیہ نیلم نے سخت نوٹس لیتے ہوئے آئی جی پنجاب سے واقعے کی رپورٹ طلب کرلی۔
آپ تنہا نہیں، مدد دستیاب ہے
ذہنی دباؤ اور پریشانی آج کی تیز رفتار زندگی میں بہت عام ہے۔ مشکلات سے نمٹنے کیلئے ہر انسان کو سہارے، اچھے مشورے اور رہنمائی کی ضرورت ہوتی ہے۔ براہ کرم آپ ہیلپ لائن سے رابطہ کریں۔
-
اگر آپ اداس محسوس کر رہے ہیں۔ آپ تنگ ماحول میں کام کرنے کی وجہ سے تناؤ محسوس کر رہے ہیں۔
-
کسی بھی بیماری کی وجہ سے پریشانی محسوس کر رہے ہیں یا حال میں آپ کوئی ذہنی بیماری کی تشخیص ہوئی ہے۔
-
آپ کے ڈاکٹر نے آپ کو کونسلنگ لینے کا مشورہ دیا ہے، آپ محسوس کر رہے ہیں کہ آپ کیفیت کو کوئی نہیں سمجھ رہا ہے۔
آپ درج ذیل ہیلپ لائنز سے رابطہ کرسکتے ہیں اور ان سے بات کرسکتے ہیں۔
-
مائنڈ آرگنائزیشن: 35761999 042
-
امنگ: 4288665 0317
-
ٹاک ٹومی ڈاٹ پی کے: 4065139 0333
-
بات کرو: 5743344 0335
-
تسکین: 5267936 0332
-
روح: 3337664 0333
-
روزن: 22444 0800
-
اوپن کونسلنگ 35761999 042
یہاں یہ بات اہم ہے کہ آپ کو کیا کرنا چاہیے۔ اگر آپ کا کوئی جاننے والا فرد خودکشی کرنے کی کوشش کرتا ہے یا کسی بھی طرح کی علامات ظاہر کرتا ہے، تو براہ کرم درج ذیل ہدایات پرلازمی عمل کریں۔
-
اس بات کو یقینی بنانے کی کوشش کریں کہ انہیں تنہا نہ چھوڑیں۔
-
ایسی چیزوں کو اِن کے پاس سے ہٹا دیں جس سے وہ خود کو نقصان پہنچا سکتے ہیں۔
-
ایسے فرد کو طبی یا ذہنی صحت کے ماہر سے مدد لینے کے لیے اس کی حوصلہ افزائی کریں۔
Lahore High Court
Self Immolation
عیدالفطر کے تیسرے روز بھی ملک بھر مختلف ٹریفک حادثات، 8 افراد جاں بحق
بشریٰ بی بی اسٹبلشمنٹ سے مذاکرات کیلئے رضامند، عمران خان انکاری
عید کے تیسرے روز بھی ملک کے بیشتر علاقوں میں بارش کی پیشگوئی
عوام کا عید کا تیسرا روز بھی بھرپور گزارنے کا پلان، سیر سپاٹے اور دعوتوں کا اہتمام
شیخوپورہ میں ڈکیتی واردات کے دوران ڈاکوؤں کی رکشے پر فائرنگ سے باپ بیٹی زخمی
Comments are closed on this story.