ترجمان وائٹ ہاؤس کیرولین لیوٹ نے ایک پریس کانفرنس میں کہا ہے کہ ٹرمپ نے ایک ماہ میں جو اقدامات کئے اس کی تاریخ میں مثال نہیں ملتی۔

غیر ملکی میڈیا رپورٹ کے مطابق ترجمان وائٹ ہاؤس کے کہا کہ امریکی صدر ڈونلڈ ٹرمپ اپنی کابینہ کے پہلے اجلاس کی بدھ کو صدارت کریں گے۔

ترجمان کے ہمراہ صدر ٹرمپ کے 3 مشیروں نے بھی میڈیا سے گفتگو کی جس میں انہوں نے کہا کہ ٹرمپ نے ایک ماہ میں جو اقدامات کئے اس کی تاریخ میں مثال نہیں ملتی۔

ٹرمپ نے رواں ماہ کو امریکی سیاہ فام افراد کے نام کردیا

رپورٹ کے مطابق ٹرمپ کے مشیر مائیک والز نے کہا کہ صدر ٹرمپ روس یوکرین جنگ روک سکتے ہیں، امن کیلئے بات چیت کی میزبانی پر محمد بن سلمان کے شکر گزار ہیں۔

ٹرمپ کے ایک اور مشیر اسٹیون ملر نے پریس کانفرنس میں کہا کہ غیرقانونی تارکین وطن کے داخلے میں 95 فیصد کمی آگئی ہے۔ خطرناک جرائم میں ملوث غیرقانونی تارکین وطن کیلئے سزائے موت بحال کی

ٹرمپ نے یوکرینی صدر زیلنسکی کو ڈکٹیٹر قرار دے دیا

مشیر امریکی صدر کا کہنا تھا کہ صدر ٹرمپ مہنگائی پر قابو پانے کی کوشش کررہے ہیں۔

ٹرمپ کے تیسے مشیر کیون ہیزٹ کا کہنا تھا کہ بائیڈن انتظامیہ کےاخراجات کی وجہ سےمہنگائی ہوئی، صدر ٹرمپ ملک سے مہنگائی ختم کرنے کی حکمت عملی بنارہے ہیں۔