بھارت کے شہر پونے میں واقع ایک اپارٹمنٹ موجود سیکڑوں بلیوں نے رہائشیوں کے لیے مشکلات پیدا کردیں۔

سارا مسئلہ ایک فلیٹ کے رہائشی کی وجہ سے پیدا ہوا ،میونسپل کارپوریشن کی کا رروائی

این ڈی ٹی وی کے مطابق اس اپارٹمنٹ میں 300 آوارہ بلیاں موجود ہیں جس کی وجہ سے اپارٹمنٹ میں شدید بدبو ہے اور رہائشی پریشان ہیں۔

پولیس کے مطابق یہ سارا مسئلہ ایک فلیٹ کے رہائشی کی وجہ سے پیدا ہوا ہے جو روزانہ باقاعدگی سے آوارہ بلیوں کو لا کر انہیں کھانا کھلاتا تھا اور بعد میں بلیوں کے صحت مند ہونے پر انہیں چھوڑ دیتا تھا جس کی وجہ سے اب یہاں بلیوں کی بھرمار ہو گئی ہے۔

بھارتی حکام کے مطابق رہائشیوں کی جانب سے شکایت کے بعد میونسپل کارپوریشن نے کارروائی شروع کردی ہے۔

بدبو اور گندگی کی شکایات کے بعد میونسپل حکام نے 9 ویں منزل کے اپارٹمنٹ کا معائنہ کیا اور فلیٹ کے مالک کو نوٹس جاری کیا ہے کہ بلیوں کو 2 دن کے اندر ہٹا دیا جائے۔

حکام نے ابھی تک اس حوالے سے کوئی مقدمہ درج نہیں کیا ہے لیکن ممکنہ قانونی کارروائی کے حوالے سے سینئر حکام مشاورت کر رہے ہیں۔