پاکستان مسلم لیگ (ن) کے سینئر رہنما طلال چوہدری نے کہا ہے کہ پی ٹی آئی کے وکلا نے ثابت کر دیا کہ ان کی وفاداری پارٹی کارکنوں کے بجائے صرف مالی مفادات سے جڑی ہے، اگر پی ٹی آئی آج اپنے کارکنوں کے ساتھ نہیں کھڑی، تو کل یہ عوام کے ساتھ کیسے کھڑی ہوگی؟ پی ٹی آئی وکلا کو انصاف سے نہیں صرف پیسے سے دلچسپی ہے۔

انہوں نے کہا کہ پی ٹی آئی کارکن آج قانونی مدد سے محروم کردیئے گئے، مخلص کارکنوں کو قانونی ٹیم نے اس لئے چھوڑ دیا کیونکہ انہیں بھاری فیس نہیں دی گئیں۔

ریاست مدینہ کی بات کرنے والے پورا توشہ خانہ کھا گئے، طلال چوہدری

ان کا کہنا تھا کہ مختلف مقدمات میں ملوث کارکنوں کو بے یار و مددگار چھوڑ دینا یہ ثابت کرتا ہے کہ پی ٹی آئی کا قانونی ونگ اور انصاف لائرزفورم ان لوگوں کا ساتھ دینے کو تیار نہیں۔

لیگی رہنما نے کہا کہ پی ٹی آئی قیادت خود سہولیات سے لطف اندوز ہو رہی ہے جبکہ اس کے کارکن مشکلات کا شکار ہیں، یہ پی ٹی آئی قیادت کا دوہرا معیار ہے۔

ان کا کہنا تھا کہ آئی ایل ایف کی جانب سے اپنے ہی کارکنوں کا دفاع نہ کرنا پی ٹی آئی کی اندرونی کرپشن اور منافقت کو بے نقاب کرتا ہے۔

پی ٹی آئی حکومت کو آئینی طریقے سے ہٹایا گیا، آئینی ترمیم اتفاق رائے سے پاس ہوئی، طلال چوہدری

انہوں نے کہا کہ انصاف اب صرف ان کے لیے ہے جو اس کی قیمت ادا کر سکتے ہیں، یہ ہے پی ٹی آئی کا انصاف کا نعرہ ہے، آئی ایل ایف کارکنوں کے قانونی دفاع کے لئے بنایا گیا تھا، آج خود ہی کارکنوں کا ساتھ چھوڑچکا ہے۔

طلال چوہدری نے کہا کہ پی ٹی آئی کے وکلا اپنے موکلوں کو کارکن نہیں بلکہ پیسہ کمانے کا ذریعہ سمجھتے ہیں، قربانیاں دینے والے کارکن پارٹی کی بے حسی کا شکار ہو رہے ہیں۔

انہوں نے کہا کہ پی ٹی آئی کا انصاف کا نعرہ اس وقت کھوکھلا ثابت ہو جاتا ہے جب اس کے کارکن عدالتوں میں بے سہارا ہوتے ہیں، جب پیسہ بولتا ہے تو پی ٹی آئی کے وکلا سنتے ہیں، وفاداری اور اصول ان کے لئے ثانوی حیثیت رکھتے ہیں۔