بالی وڈ کے خوبرو اداکار ہرش وردھن رانے اور پاکستانی دلکش اداکارہ ماورا حسین کی 8 سال پہلے ریلیز ہونے والی بالی وڈ ڈیبیو فلم ”صنم تیری قسم“ نے رواں ماہ 7 فروری 2025 کو سینما گھروں میں دوبارہ ری ریلیز ہوکر کامیابی کے تمام ریکارڈز توڑ دیے۔

بھارتی میڈیا کا کہنا ہے کہ فلم کی دوبارہ ریلیز نے غیر معمولی طور پر اچھی کارکردگی کا مظاہرہ کیا ہے، فلم نے صرف بھارت میں پانچ دنوں میں 25.16 کروڑ روپے کو کما کر ہمیش ریشمیا کی فلم ’بی آر‘ اور ’لویاپا‘ کو پیچھے چھوڑ دیا ہے۔

ماورا حسین نے امیر گیلانی سے نکاح کی تصدیق کردی

میڈیا رپورٹ کے مطابق اداکار ہرش وردھن رانے اور اداکارہ ماورا حسین کی رومانوی فلم صنم تیری کسم نے دوبارہ ریلیز کے ساتھ سنیما گھروں میں حیران کن واپسی کی ہے۔

بھارت باکس آفس مین اس فلم نے ری ریلیز کے بعد سب سے زیادہ کاروبار کرنےو الی ہندی فلم کا اعزاز حاصل کرلیا ہے، اصل میں یہ فلم 2016 میں ریلیز کی گئی تھی تاہم یہ فلم اس دوران باکس آفس پر بزنس کرنے میں ناکام رہی تھی۔

کیا ماورہ حسین پھر سے بالی ووڈ جانے والی ہیں؟

صنم تیری قسم سوشل میڈیا پر بھی ٹرینڈ کر رہی ہے اور اس کی وجہ صرف اس کا دوبارہ ریلیز ہونا اور اچھا بزنس کرنا نہیں ہے بلکہ یہ سب ایک ایسے وقت میں ہو رہا ہے جب ماورا حسین بھی پاکستان میں سوشل میڈیا پر ٹاپ ٹرینڈز میں شامل ہیں اور اس کی وجہ ان کی شادی بھی ہے۔

یہ فلم 2016 میں 5 فروری کو ریلیز ہوئی تھی اور اس بار 2025 میں یہ فلم 7 فروری کو عین ماورا حسین کی شادی کے دن ریلیز کی گئی ہے، اور یہ دن فلم اور خود ماورا حسین کے لیے بڑا دن بن گیا ہے۔

واضح رہے کہ 14 کروڑ روپے کے بجٹ سے بننے والی یہ فلم اپنی ابتدائی ریلیز کے موقع پر ناظرین کو متاثر کرنے میں ناکام رہی جو باکس آفس پر صرف 9.1 کروڑ کا بزنس کرکے فلاپ ہوگئی۔

تاہم فلم نے دوبارہ ریلیز کے ساتھ باکس آفس پر کامیابی کے جھنڈے گاڑ دیے اور ری ریلیز کے صرف پانچ دنوں میں ہی 25کروڑ روپے سے زائد کا ہندسہ عبور کرلیا ہے۔