بھارتی وزیراعظم نریندر مودی کو ایک بار پھر سبکی کا سامنا کرنا پڑا جب اے آئی سمٹ میں فرانسیسی صدر میکرون نے بھارتی وزیراعظم سے مصافحہ کرنے سے انکار کردیا۔

سوشل میڈیا پروائرل ویڈیو میں دیکھا جاسکتا ہے کہ سب سے ہاتھ ملاتے ہوئے فرانسیسی صدر میکرون بھارتی وزیر اعظم نریندر مودی کو نظر انداز کرگئے۔ فرانسیسی صدر پیرس میں ہونے والے مصنوعی ذہانت سے متعلق سمٹ میں شریک تھے۔

فرانسیسی صدر میکرون نریندر مودی کے ساتھ بیٹھے امریکی نائب صدر جے ڈی وانس سے ملے، بھارتی وزیراعظم نے ہاتھ ملانے کی کوشش کی مگر فرانسیسی صدر نے نظر انداز کردیا۔

فرانسیسی صدر بھارتی وزیراعظم کے ساتھ بیٹھے اقوام متحدہ کے سیکرٹری جنرل انتونیو گوتریس سے بھی ملے، اس موقع پر وہ یورپی کمیشن کی صدر ارسلا وون دیرلائن سے بھی بہت تپاک انداز سے ملے۔

سوشل میڈیا پر وائرل اس ویڈیو نے بھارتی وزیراعظم نریندر مودی کا دنیا بھر میں مذاق بنادیا۔