کینیڈا کے وزیراعظم جسٹن ٹروڈو نے اپنے ساتھیوں کو خبردار کیا ہے کہ امریکی صدر ڈونلڈ ٹرمپ کی جانب سے کینیڈا کو ہتھیانے کی دھمکی حقیقت پر مبنی ہے، اس کی وجہ یہ ہے کہ ٹرمپ کی نظریں کینیڈا کی انتہائی اہم معدنیات پر ہیں۔

امریکی میڈیا کے مطابق کینیڈین وزیراعظم نے جب یہ بات کہی اس سے قبل مقامی میڈیا کو کمرے سے باہر نکال دیا گیا تھا۔

تاہم سی بی سی نے کینیڈین وزیراعظم کی آواز ریکارڈ کرلی تھی۔

امریکا نے ایران پر پہلی پابندی لگا دی

رپورٹ کے مطابق بزنس لیڈرز کو پس پردہ میٹنگ میں وزیراعظم جسٹن ٹروڈو نے بتایا کہ کینیڈا کو اس خطرے کو سنجیدگی سے لینا چاہیے۔

ٹرمپ نے کینیڈا کا نیا نقشہ پیش کر دیا، امریکا میں شامل کر دیا

کینیڈین وزیراعظم کا کہنا تھا کہ ٹرمپ معدنی وسائل کی وجہ سے کینیڈا کو اپنی 51ویں ریاست بنانا چاہتے ہیں۔

امریکی میڈیا کے مطابق ٹرمپ سمجھتے ہیں آسان ترین طریقہ کینیڈا کو ضم کرنا ہے۔