Aaj News

جمعہ, مئ 09, 2025  
12 Dhul-Qadah 1446  

اسلام آباد ہائی کورٹ میں لفٹ کو حادثہ، تمام افراد بحفاظت نکال لیے گئے

چھ لوگوں کی گنجائش والی لفٹ میں وکلاء سمیت سات افراد موجود تھے، ذرائع
شائع 06 فروری 2025 03:12pm

اسلام آباد ہائی کورٹ میں ایک لفٹ حادثے کا شکار ہو گئی۔ اطلاعات کے مطابق لفٹ دوسرے فلور سے نیچے آتے ہوئے اچانک گر گئی۔

ذرائع کے مطابق چھ لوگوں کی گنجائش والی لفٹ میں وکلاء سمیت سات افراد موجود تھے، تاہم خوش قسمتی سے تمام افراد کو بحفاظت نکال لیا گیا۔

ذرائع کا کہنا ہے کہ واقعہ تکنیکی خرابی کے باعث پیش آیا، تاہم فوری طور پر ریسکیو ٹیموں نے کارروائی کرتے ہوئے لفٹ میں پھنسے افراد کو باہر نکال لیا۔

انتظامیہ کی جانب سے لفٹ کی خرابی کی وجوہات جاننے کے لیے تحقیقات شروع کر دی گئی ہیں۔

Islamabad High Court

Lift Accident