پشاور ہائیکورٹ کے چیف جسٹس اشتیاق ابراہیم نے نئے ایڈیشنل ججز سے حلف لے لیا ہے۔ حلف برداری کی یہ تقریب پشاور ہائیکورٹ میں منعقد ہوئی، جس میں ہائیکورٹ اور ماتحت عدلیہ کے ججوں کے علاوہ وکلا کی بڑی تعداد نے شرکت کی۔

نئے ججز نے آج سے اپنے عہدے سنبھال لیے ہیں اور مقدمات کی سماعت کا آغاز کر دیا ہے۔ پشاور ہائیکورٹ کے چھ ڈویژنل بینچز میں چھ نئے ججز کو شامل کیا گیا، جبکہ چار ججز کو سنگل بینچ کی ذمہ داری سونپی گئی۔

چیف جسٹس اشتیاق ابراہیم کے ساتھ جسٹس عبد الفیاض بینچ میں شامل ہوں گے۔

190 ملین پاؤنڈ کیس میں عمران خان کو سزا سنانے والے جج ناصر جاوید رانا کا تبادلہ

دیگر ڈویژنل بینچز میں نئے ججز کی شمولیت درج ذیل ہے:

• جسٹس اعجاز انور کے ساتھ جسٹس فرح جمشید
• جسٹس سید عتیق شاہ کے ساتھ جسٹس انعام اللہ خان
• جسٹس ارشد علی کے ساتھ جسٹس سید مدثر امیر
• جسٹس شکیل احمد کے ساتھ جسٹس ثابت اللہ خان
• جسٹس صاحب زادہ اسد اللہ کے ساتھ جسٹس صلاح الدین

اہم ملکی اداروں کی طرح عدالتیں بھی تباہ وبرباد ہوگئی ہیں، سینیٹر کامران مرتضیٰ

سنگل بینچز میں جسٹس محمد طارق آفریدی اور جسٹس صادق علی کو ذمہ داری دی گئی، جبکہ جسٹس اورنگزیب اور جسٹس قاضی جواد احسان اللہ قریشی بھی سنگل بینچز میں شامل ہوں گے۔