Aaj News

ہفتہ, فروری 22, 2025  
23 Shaban 1446  

اسرائیل کے جنین اور تلکرم پر حملے مزید 21 فلسطینی شہید

5 لاکھ سے زائد فلسطینی تباہ شدہ شمالی غزہ واپس آگئے
شائع 30 جنوری 2025 09:35pm

اسرائیل کے جنین اور تلکرم میں فضائی اور زمینی حملے میں مزید21 فلسطینی شہید جبکہ متعدد زخمی ہوگئے، 60 سے زائد فلسطینیوں کو گرفتار کر لیا گیا۔

تفصیلات کے مطابق غزہ میں لاکھوں فلسطینیوں کی تباہ حال علاقوں میں واپسی جاری ہے، 5 لاکھ سے زائد فلسطینی تباہ شدہ شمالی غزہ میں لوٹ آئے، غزہ میں 15 ماہ بعد پہلی بار گھریلو گیس کی فراہمی بحال ہوگئی، مغربی کنارے میں اسرائیلی فوج کی ظلم و بربریت جاری رہی۔

24گھنٹے میں غزہ کے اسپتالوں میں 63لاشیں لائی گئیں جبکہ 59 لاشیں تباہ عمارتوں، میدانوں اور سڑکوں سے اٹھائی گئی تھیں، فلسطینی وزارت صحت کے مطابق غزہ پٹی میں شہید فلسطینیوں کی تعداد 47 ہزار417 تک پہنچ گئی۔

اسرائیلی وزیراعظم کی ڈونلڈ ٹرمپ کے خصوصی ایلچی برائے مشرق وسطیٰ سے ملاقات ہوئی، اسٹیووٹ کوف اور نیتن یاہو نے مستقبل کے لائحہ عمل پرغورکیا، ٹرمپ کے خصوصی ایلچی برائے مشرق وسطیٰ نے غزہ کا دورہ بھی کیا۔

Israel attack

21 shaheed

jenain