Aaj News

بدھ, فروری 19, 2025  
20 Shaban 1446  

پاکستانی نژاد امریکی جج کے فیصلے پر ٹرمپ کو وفاقی امداد منجمد کرنے کا حکمنامہ واپس لینا پڑگیا

امریکی صدر ڈونلڈ ٹرمپ کا وفاقی فنڈنگ روکنے کا حکم عدالت میں چیلنج ہوا تھا
شائع 30 جنوری 2025 09:40am

پاکستانی نژاد امریکی وفاقی جج کے فیصلے پر صدر ڈونلڈ ٹرمپ کو وفاقی امداد منجمد کرنے کا حکمنامہ واپس لینا پڑگیا۔

غیر ملکی میڈیا رپورٹس کے مطابق امریکی صدر ڈونلڈ ٹرمپ کا وفاقی فنڈنگ روکنے کا حکم عدالت میں چیلنج ہوا۔

رپورٹ کے مطابق وفاقی امداد سے متعلق صدارتی حکم نامہ پر عملدرآمد پاکستانی امریکن خاتون جج لورین علی خان نے رکوایا۔

رپورٹ کے مطابق 41 سالہ لورین علی خان وفاقی ڈسٹرکٹ جج کے عہدے پر تعینات ہیں۔

ڈونلڈ ٹرمپ کا غیرقانونی تارکین وطن کو گوانتاناموبے بھیجنے کا اعلان

لورین علی خان کے والد ڈاکٹر محمود علی خان 50 سال قبل امریکا منتقل ہوئے تھے۔ ماہر امراض قلب ڈاکٹر محمود اور ان کی اہلیہ امریکی فوج میں خدمات انجام دے چکے ہیں۔

واضح رہے امریکی صدر ڈونلڈ ٹرمپ کا وفاقی امداد روکنے سے متعلق حکمنامہ عدالت میں چیلنج کیا گیا تھا۔

trump

federal funding

pakistani american judge