خیبر پختونخوا پی ٹی آئی کے صدارت تبدیلی کے بعد بڑے پیمانے پر تبدیلیاں متوقع ہیں، صوبائی جنرل سیکرٹری کے لیے نام زیر غور ہیں۔

پارٹی ذرائع کے مطابق تمام ضلعی تنظیمیں بھی تحلیل کی جائیں گی، برطرف صوبائی وزیر شکیل خان کو دوبارہ کابینہ میں شامل کرنے پر بھی غور جاری ہے۔

عمران خان نے علی امین گنڈاپور سے پارٹی کی صوبائی صدارت واپس لے لی

ذرائع نے بتایا کہ کے پی میں پی ٹی آئی کے صدارت تبدیل ہونے کے بعد صوبائی جنرل سیکرٹری کے لیے عاطف خان اور ارباب شیر علی کے نام پرغور کیا جارہا ہے جبکہ تمام ضلعی تنظیمیں تحلیل کرکے ہر ضلع کی سطح پر نئی تنظیموں کو ازسرنو بنایا جائے گا، جس کے لیے نئی تنظیم سازی آن لائن رابطہ ایپ پر جاری ہے۔

اچانک عمران خان کےانتہائی قابل اعتماد بننے والے جنید اکبر کون ہیں

28 جنوری سے قبل پی ٹی آئی کی مذاکراتی کمیٹی سے ملاقات کروائی جائے، عمران خان کا مطالبہ

پی ٹی آئی ذرائع کے مطابق برطرف صوبائی وزیر شکیل خان کو دوبارہ کابینہ میں شامل کرنے پر غور کیا جارہا ہے۔ یاد رہے کہ نو منتخب صوبائی صدر پی ٹی آئی جنید اکبر کو شکیل خان کی حمایت پر وزیر اعلیٰ خیبر پختونخوا علی امین گنڈاپور نے فوکل پرسن کے عہدے سے ہٹایا تھا۔