محکمہ موسمیات نے کہا ہے کہ ملک کے بیشتر علاقوں میں موسم سرد اور خشک رہے گا۔

محکمہ موسمیات کے مطابق ملک کے پہاڑی علاقوں میں سردی کی شدت برقرار رہنے کا امکان ہے، اسلام آباد اور گرد و نواح میں موسم سرد اور خشک رہے گا۔

پنجاب کے بیشتر اضلاع میں موسم سرد اور خشک رہنے جبکہ مری، گلیات اور گرد و نواح میں موسم شدید سرد رہنے کی توقع ہے جبکہ رات کے اوقات میں بہاولنگر، بہاولپور، ا وکاڑہ اور ساہیوال میں ہلکی دھند چھائے رہنے کا امکان ہے۔

خیبرپختونخوا بیشتر اضلاع میں موسم سرد اور خشک جبکہ بالائی اضلاع میں شدید سرد رہنے کی پیشگوئی کی گئی ہے۔

ملک میں کڑاکے کی سردی، پارہ نقطہ انجماد سے نیچے آگیا، سیاحوں کیلئے شوگران روڈ بحال

محکمہ موسمیات کے مطابق خیبر پختونخوا میں موسم خشک اور سرد رہے گا جبکہ صوبے کے بالائی اضلاع میں کہرا پڑنے کا امکان ہے۔

پشاور کا کم سے کم درجہ حرارت 5 ڈگری سینٹی گریڈ ریکارڈ کیا گیا، شہر کا زیادہ سے زیادہ درجہ حرا رت 25 ڈگری سینٹی گریڈ تک جانے کا امکان ہے جبکہ سب سے کم درجہ حرارت کالام میں منفی 7 ، دیر ، پارا چنار ، مالم جبہ میں منفی 3 اور دروش میں منفی 1 ڈگری سینٹی گریڈ ریکارڈ کیا گیا۔

اس کے علاوہ بلوچستان کے بیشتر اضلاع میں موسم سرد اور خشک جبکہ شمالی اضلاع میں شدید سرد رہنے کی توقع ہے۔

سندھ کے بیشتر اضلاع میں موسم سرد اورخشک رہنے کی توقع ہے جبکہ سکھر، لاڑکانہ اور گردونواح میں چند مقامات پر ہلکی دھند پڑنےکا امکان ہے، اس کے علاوہ کشمیر اور گلگت بلتستان میں موسم شدید سرد اور خشک رہنے کی پیشگوئی کی گئی ہے۔

موسمیاتی تبدیلی کے پیش نظر لاہور میں سردی اور دھند کی شدت میں واضح کمی ریکارڈ ہونے لگی۔

محکمہ موسمیات کےمطابق آج درجہ حرارت 22 ڈگری سینٹی گریڈ تک جائےگا، حد نگاہ میں بہتری کے باعث موٹرویز پر معمول کے مطابق ٹریفک جاری رہی، شہر کے اندرونی علاقوں میں بھی دھند کی شدت میں کمی نظر آئی۔

کراچی میں ٹھنڈی ہوائیں چلنے لگیں

ادھر کراچی میں بھی ٹھنڈی ہوائیں چلنے لگیں، جس کے باعث سردی بڑھ گئی۔

بالائی علاقوں میں برفباری سے سردی بڑھ گئی، کراچی میں بھی ٹھنڈی ہوائیں چل پڑیں

محکمہ موسمیات کشہر قائد میں کم سے کم درجہ حرارت 10.9 ڈگری سینٹی گریڈ ریکارڈ کیا گیا جبکہ موجودہ درجہ حرارت 14 ڈگری سینٹی گریڈ ہے، جہاں شمال مشرق سے 6 کلو میٹر فی گھنٹہ ہوا چل رہی ہے۔

محکمہ موسمیات کے مطابق ملک کے بیشتر علاقوں میں موسم آج بھی سرد اور خشک رہے گا جبکہ پہاڑی علاقوں میں شدید سردی برقرار رہے گی۔