امریکی صدر ڈونلڈ ٹرمپ امریکا کو دنیا کے کرپٹو کرنسی کیپٹل میں تبدیل کرنے کا عزم رکھتے ہیں، انہوں نے ہفتے کے آخر میں اپنا ڈیجیٹل کوائن TRUMP$ متعارف کروا کر دنیا بھر کی توجہ حاصل کی۔

ٹرمپ کے بعد ان کی اہلیہ نے بھی اپنے شوہر کے امریکی صدر کے طور پر حلف اٹھانے کے موقع پر اپنی کرپٹو کرنسی متعارف کراکر سب کو چونکا دیا۔

عالمی خبر رساں ادارے کے مطابق امریکا کے نو منتخب صدر ڈونلڈ ٹرمپ کی جانب سے کرپٹو کرنسی متعارف کرانے کو ابھی ایک دن بھی گزرا تھا کہ ان کی اہلیہ بھی ان کے مقابلے میں شامل ہوگئیں۔

رپورٹ کے مطابق میلانیا نے اپنے سوشل میڈیا پلیٹ فارمز پر کرپٹوکرنسی لانچ کرنے سے متعلق بتایا۔

حلف برداری کی تقریب میں ٹرمپ کے پانچوں بچے توجہ کا مرکز بن گئے

خاتون اول میلانیا ٹرمپ کی جانب سے اتوار کے روز سوشل پلیٹ فارم ایکس پر کہا گیا کہ ’آفیشل میلانیا میم لائیو ہے! آپ اب MELANIA$ خرید سکتے ہیں۔

اس عمل کے بعد بٹ کوائن کے ریٹ میں نمایاں اضافہ دیکھنے میں آیا ہے۔

ٹرمپ کی حلف برداری میں امریکی سینیٹر کی شارٹس میں شرکت

کوائن مارکیٹ کیپ کے مطابق ڈونلڈ ٹرمپ کی کریپٹو کرنسی، $Trump، کی قیمت تقریباً 12 بلین ڈالر بتائی گئی ہے، جب کہ میلانیا ٹرمپ کی کریپٹو کرنسی $Melania، کی قیمت تقریباً 1.7 بلین ڈالر ہے۔

جبکہ کرپٹو ٹریڈنگ پلیٹ فارم کوائن بیس کے مطابق ٹرمپ کی صدارتی انتخاب میں کامیابی کے بعد بٹ کوائن ریکارڈ بلندی تک پہنچ گیا جو تقریباً 107007 ڈالر پر ٹریڈ کر رہا ہے۔

ٹرمپ کے سوشل میڈیا اکاونٹس ہیک ہونے کا شبہ، حیرت انگیز پیغامات پوسٹ

واضح رہے اس سے قبل اپنے دورِ صدارت میں ٹرمپ کرپٹو کرنسی کو ایک اسکینڈل سمجھتے تھے، لیکن انہوں نے 2024 کی انتخابی مہم کے دوران اپنی دھن بدل دی۔ درحقیقت انہوں نے کرپٹو کرنسی قبول کرنے والے پہلے صدارتی امیدوار بن کر تاریخ رقم کی۔

گزشتہ برس نیش ول میں ایک بٹ کوائن کانفرنس کے دوران انھوں نے اس عزم کا بھی اظہار کیا تھا کہ ان کے دوبارہ حکومت میں آنے کے بعد امریکا ’دنیا کا کرپٹو کیپیٹل‘ بن کر ابھرے گا۔