مشیر اطلاعات خیبر پختونخوا بیرسٹڑ محمد علی سیف کا کہنا ہے کہ اطلاعات ہیں نواز شریف نے اپنی ٹیم کو مذاکرات ناکام بنانے کا مشن سونپ دیا ہے۔

بیرسٹڑ محمد علی سیف نے ہفتے کو جاری اپنے ایک بیان میں کہا کہ پی ٹی آئی اور عسکری قیادت کے درمیان ملاقات کے بعد نواز شریف کیمپ میں کھلبلی مچ گئی ہے، اطلاعات ہیں کہ نواز شریف نے اپنی ٹیم کو مذاکرات ناکام بنانے کا مشن سونپ دیا ہے۔

القادر ٹرسٹ کیس پر حکومت نے جامع بیانیہ بنا لیا، اہم نکات

بیرسٹر سیف نے اپنے بیان میں کہا کہ حکومتی مذاکراتی کمیٹی کو غیر مؤثر بنانے کا کام شروع ہو چکا ہے، ایسے عناصر سرگرم ہو چکے ہیں جو نہیں چاہتے کہ ملک کے اندر سیاسی استحکام کی راہیں کھلیں۔

ان کا مزید کہنا تھا کہ پی ٹی آئی ملک میں امن کے لیے مذاکرات کی راہ پر چل رہی ہے، جبکہ غیر منتخب ٹولہ اپنے ناجائز اقتدار کو بچانے کے مذاکرات ناکام بنانے کے مشن پر ہے۔

190 ملین پاؤنڈ کیس کے فیصلے سے عمران خان کی مقبولیت کم نہیں ہوگی، فوادچوہدری

انہوں نے کہا کہ حکومتی وزراء اپنے حلف کا پاس رکھتے ہوئے پی ٹی آئی اور عسکری قیادت میں ملاقات پر سیاست نہ کریں۔