پولیس نے آج صبح لاہور میں جنوبی چھاؤنی کے علاقے میں راستہ نہ ملنے پر نجی اسکول کی بس پر فائرنگ کر نے والے کار سوار کو گرفتار کرلیا ہے۔

پولیس کے مطابق راستہ نہ ملنے پر کار سوار نے گاڑی روک کر بس پر دو فائر کیے، پرائیویٹ بس میں کوئی طالبعلم نہ تھا، بس طلباء کو لانے لے جانے کا کام کرتی ہے۔

پولیس نے بتایا کہ واقعہ ڈرائیونگ کے دوران تکرار کے نتیجے میں پیش آیا، کار سوار کو ٹریس کرنے کی کوشش جاری ہے، مزید حقائق تفتیش مکمل ہونے کے بعد سامنے آئیں گے۔

بعدازاں، پولیس نے اسکول بس کے ٹائروں پر فائر کرنے والے ملزم ذوالقرنین کو گرفتار کرلیا۔

پولیس نے ملزم سے اسلحہ اور گاڑی بھی قبضے میں لے لی۔

ایس پی کینٹ کی ہدایت پر ملزم کی گرفتاری کیلئے سپیشل ٹیم تشکیل دی گئی تھی۔

ایس پی کینٹ اویس شفیق کے مطابق ملزم ذوالقرنین سے پستول اور گولیاں برآمد کر لی گئی ہیں۔