وینزویلا کے نکولس مادورو نے جمعہ 10 جنوری 2025 کو صدر کے طور پر اپنی تیسری مدت کا آغاز کیا، کئی ممالک ان کی حالیہ انتخابات میں جیت پر سوال اٹھا رہے ہیں۔

غیرملکی خبر ایجنسی کے مطابق تیسری مدت کے لیے منتخب ہونے والے نکولس مادورو نے عہدے کا حلف اٹھا لیا۔ مادورو 2013 میں پہلی بار وینزویلا کے صدر منتخب ہوئے تھے۔ اپوزیشن جماعتوں نے ان پر جولائی میں ہونے والے الیکشن میں دھاندلی کا الزام عائد کیا تھا۔

دوسری جانب امریکا نے وینزویلا کے صدر نکولس مادورو کی گرفتاری میں مدد کرنے والے کو 25 ملین ڈالر کی انعامی رقم دینے کا اعلان کیا ہے۔

یہ بھی پڑھیں:

لبنان کے آرمی چیف ملک کے نئے صدر منتخب

امریکا کا روسی انرجی سیکٹر کے خلاف مزید پابندیاں عائد کرنے کا اعلان

رپورٹ کے مطابق امریکا کی جانب سے وینزویلا کے وزیر داخلہ اور وزیر دفاع کی گرفتاری پر بھی 15، 15 ملین ڈالر کا انعام مقرر کیا گیا ہے۔ وینزویلا کے صدر پر امریکا میں کوکین اسمگل کرنے کا الزام ہے۔

جبکہ وینزویلا نے امریکی خفیہ ادارے سی آئی اے پر یہ الزام عائد کیا ہے کہ اس نے صدرنکولس مادورو اور دیگر عہدیداروں کے قتل کا پلان بنایا ہوا ہے تاہم امریکا نے ان دعوؤں کی تردید کی ہے۔