خیبرپختونخوا کے ضلع کرک میں انڈس ہائی وے پر تیز رفتار ٹریلر شہریوں پر چڑھ دوڑا۔ حادثے میں 12 افراد جاں بحق اور 25 افراد زخمی ہو گئے۔

پولیس کے مطابق لاشوں اور زخمیوں کو ڈی ایچ کیو اسپتال منتقل کردیا گیا ہے۔

آتش بازی کا سامان بنانے والے گھر میں دھماکہ، بچی سمیت 6 افراد جاں بحق، 7 زخمی

عینی شاہدین کے مطابق ٹرالر تیز رفتاری سے آ رہا تھا اور بریک فیل ہونے کے باعث ڈرائیور اسے قابو نہ کر سکا، ٹرالر نے پہلے چوک میں کھڑی گاڑیوں کو ٹکر ماری اور پھر سڑک کنارے موجود لوگوں پر چڑھ دوڑا۔ حادثے میں متعدد پیدل اور ریڑھی بان ٹرالر کی زد میں آئے۔

جائے حادثہ پر دل دہلا دینے والے مناظر دیکھنے کو ملے، اور کئی افراد نے اپنی مدد آپ کے تحت زخمیوں کو اسپتال منتقل کرنے میں بھی حصہ لیا۔

مارکیٹ میں ملاوٹ شدہ ایل پی جی کی فروخت کا انکشاف، لاکھوں جانوں کو خطرہ

دوسری جانب گورنر خیبرپختونخوا فیصل کریم کنڈی نے کرک ٹریفک حادثے کا نوٹس لیتے ہوئے تفصیلات طلب کرلی ہیں اور زخمیوں کو ہر ممکن امداد کی فراہمی کی ہدایات جاری کردی ہیں۔